ഇതുകൊണ്ട് തകര്‍ത്തു കളയാമെന്ന് വിചാരിക്കേണ്ടെന്ന് പിണറായി, വൈദ്യുതി പ്രതിസന്ധി സ്വിച്ചിട്ട പോലെ പരിഹരിക്കാനാവില്ലെന്ന് മന്ത്രി; ഇന്നത്തെ 5 പ്രധാന വാര്‍ത്തകള്‍

സിഎംആർഎൽ- എക്സാലോജിക് സാമ്പത്തിക ഇടപാടിൽ തനിക്കെതിരെ കേസെടുക്കാനുള്ള ഇഡി കത്തിനെ വിമർശിച്ച് പിണറായി വിജയൻ. ഇതുകൊണ്ട് തകര്‍ത്തുകളയാമെന്ന് വിചാരിക്കേണ്ടെന്ന് പ്രതിപക്ഷ നേതാവ് പറഞ്ഞു. വൈദ്യുതി പ്രതിസന്ധി സ്വിച്ചിട്ട പോലെ പരിഹരിക്കാനാവില്ലെന്ന് മന്ത്രി സണ്ണി ജോസഫ്. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം.

തന്നെ വേട്ടയാടാന്‍ തുടങ്ങിയിട്ട് കാലമേറെയായിയെന്ന് പ്രതിപക്ഷ നേതാവ് പിണറായി വിജയൻ. ഇഡിക്ക് തന്നെ പഴിചാരണം. അതിന് പറ്റുന്ന ഒന്നും അവര്‍ക്ക് കിട്ടുന്നില്ല. അവരെ നിയന്ത്രിക്കുന്നവര്‍ പറയുന്നതാകാം അവര്‍ ചെയ്യുന്നത്.  തുറന്ന പുസ്തകമാണ് തന്റെ ജീവിതം. ഇതുകൊണ്ട് തകര്‍ത്തു കളയാമെന്ന് വിചാരിക്കേണ്ട. രാഷ്ട്രീയമായുള്ളതിനെ രാഷ്ട്രീയമായും, നിയമപരമായുള്ളതിനെ നിയമപരമായും നേരിടുമെന്ന് പിണറായി വിജയന്‍ പറഞ്ഞു.

സിഎംആര്‍എല്‍-എക്സാലോജിക് പണമിടപാട് കേസില്‍ പിണറായി വിജയനെതിരെ കേസെടുക്കണമെന്ന ഇഡി നിര്‍ദേശത്തെ തള്ളി സിപിഎം പൊളിറ്റ് ബ്യൂറോ. ഇഡിയുടെ നടപടിയെ ശക്തമായി അപലപിക്കുന്നു. സിഎംആര്‍എല്‍ കേസില്‍ പിണറായി വിജയന്‍, മകള്‍ ടി. വീണ, മുഹമ്മദ് റിയാസ് എന്നിവരുടെ പേരില്‍ അഴിമതിനിരോധന നിയമപ്രകാരം കേസെടുക്കണമെന്നാണ് ഇഡി ആവശ്യപ്പെടുന്നത്. എന്നാല്‍ വിഡി സതീശന്‍ സര്‍ക്കാര്‍ ഇഡിയുടെ ഏജന്റായി പ്രവര്‍ത്തിക്കരുതെന്നും സിപിഎം പിബി മുന്നറിയിപ്പ് നല്‍കി.

സംസ്ഥാനത്ത് പ്രഖ്യാപനമില്ലാതെ വൈദ്യുതി മുടങ്ങുന്നത് വ്യാപക ജനരോഷത്തിന് കാരണമായതോടെ വിഷയത്തിൽ വിശദീകരണവുമായി വൈദ്യുതി മന്ത്രി സണ്ണി ജോസഫും കെഎസ്ഇബി ചെയർമാൻ എം.ജി. രാജമാണിക്യവും രംഗത്തെത്തി. അപ്രതീക്ഷിതമായ കാലാവസ്ഥാ വ്യതിയാനവും ഡിമാൻഡിലുണ്ടായ വൻ വർദ്ധനവുമാണ് നിലവിലെ പ്രതിസന്ധിക്ക് കാരണമെന്ന് വ്യക്തമാക്കിയ ഇരുവരും, വൈദ്യുതി മുടങ്ങുന്ന സമയം മുൻകൂട്ടി ജനങ്ങളെ അറിയിക്കുമെന്നും വ്യക്തമാക്കി.

കാന്തപുരത്തിന്റെ പ്രസ്താവന സംബന്ധിച്ച് തന്റെ നിലപാടില്‍ ഉറച്ചുനില്‍ക്കുകയാണെന്ന് മുഖ്യമന്ത്രി വിഡി സതീശന്‍.താന്‍ അക്കാര്യം വ്യക്തമായി പറഞ്ഞതാണ്. അതില്‍ ഏതെങ്കിലും തരത്തില്‍ മാറ്റം ഉണ്ടെങ്കില്‍ തെറ്റുപറ്റിയെന്ന് മാധ്യമങ്ങളോട് പറയുമായിരുന്നെന്ന് സതീശന്‍ പറഞ്ഞു. എപി വിഭാഗം നേതാക്കള്‍ തന്നെ വന്നുകണ്ടതിന് പിന്നാലെ ചില മാധ്യമങ്ങള്‍ മുഖ്യമന്ത്രി നിലപാട് മയപ്പെടുത്തിയെന്ന് വാര്‍ത്ത നല്‍കിയതായും സതീശന്‍ പറഞ്ഞു.

യുഎസ് ഓപ്പണ്‍ ടെന്നീസ് ടൂര്‍ണമെന്റില്‍ നിന്ന് നിലവിലെ ചാംപ്യനായ കാര്‍ലോസ് അല്‍കാരസ് പുറത്ത്. അമേരിക്കന്‍ താരമായ ബെന്‍ ഷെല്‍ട്ടനോടാണ് അഞ്ച് സെറ്റുകള്‍ നീണ്ട ആവേശകരമായ മത്സരത്തില്‍ ലോക രണ്ടാം നമ്പര്‍ താരമായ അല്‍കാരസ് പരാജയപ്പെട്ടത്. നാല് മാസത്തെ പരിക്കിന്റെ ഇടവേളയ്ക്ക് ശേഷം കോര്‍ട്ടിലേക്ക് മടങ്ങിയെത്തിയ അല്‍കാരസിന് കിരീടം നിലനിര്‍ത്താമെന്ന മോഹമാണ് തോല്‍വിയോടെ അവസാനിച്ചത്.