ഹൂതി കേന്ദ്രങ്ങളിൽ യുഎസ് വ്യോമാക്രമണം, ഗ്രാമ്പിയിൽ പരിക്കേറ്റ കടുവയെ മയക്കുവെടിവെക്കാനുള്ള ദൗത്യം തുടരും; ഇന്നത്തെ 5 പ്രധാന വാര്‍ത്തകള്‍

യു​എ​സ് സൈ​ന്യം യ​മ​നി​ലെ ഹൂ​തി കേ​ന്ദ്ര​ങ്ങ​ളി​ൽ നടത്തിയ വ്യോമാക്രമണത്തില്‍  15 പേ​ർ കൊ​ല്ല​പ്പെ​ട്ടു.ട്രം​പ് ര​ണ്ടാം ത​വ​ണ​യും പ്ര​സി​ഡ​ന്‍റാ​യ ശേ​ഷം മ​ധ്യ​പൂ​ർ​വ​ദേ​ശ​ത്ത് യു​എ​സ് ന​ട​ത്തു​ന്ന ഏ​റ്റ​വും വ​ലി​യ സൈ​നി​ക ന​ട​പ​ടി​യാ​ണി​ത്. അതേസമയം ഇടുക്കി ജനവാസ മേഖലയില്‍ ഇറങ്ങിയ കടുവയെ പിടികൂടാനുള്ള ശ്രമം ഇന്നും തുടരുമെന്നാണ് വനം വകുപ്പ് അറിയിച്ചിരിക്കുന്നത്.  ചിറങ്ങരയിൽ നായയെ പിടിച്ചു കൊണ്ട് പോയത് പുലിയാണെന്ന് വനം വകുപ്പ് ഉദ്യോഗസ്ഥര്‍ സൂചന നല്‍കി. ഇന്നത്തെ പ്രധാന 5 വാര്‍ത്തകള്‍

യ​മ​നി​ലെ ഹൂ​തി കേ​ന്ദ്ര​ങ്ങ​ളി​ൽ വ്യോമാക്രമണം നടത്തി അമേരിക്ക. യു​എ​സ് സൈ​ന്യം ന​ട​ത്തി​യ ആ​ക്ര​മ​ണ​ത്തി​ൽ 15 പേ​ർ കൊ​ല്ല​പ്പെ​ട്ടു. ഒമ്പത് പേർക്ക് പരിക്കേൽക്കുകയും ചെയ്തു. ചെ​ങ്ക​ട​ലി​ൽ ക​പ്പ​ലു​ക​ൾ​ക്ക് നേ​രെ ഹൂ​തി​ക​ൾ ന​ട​ത്തു​ന്ന ആ​ക്ര​മ​ണം അ​വ​സാ​നി​പ്പി​ക്ക​ണ​മെ​ന്നും ഇ​ല്ലെ​ങ്കി​ൽ ദു​ര​ന്ത​മാ​ണു കാ​ത്തി​രി​ക്കു​ന്ന​തെ​ന്നും പ്രസിഡന്റ് ഡോ​ണ​ൾ​ഡ് ട്രം​പ് മു​ന്ന​റി​യി​പ്പ് ന​ൽ​കി.

ചിറങ്ങരയിൽ വീട്ടുമുറ്റത്തു ചങ്ങലയിൽ പൂട്ടിയിട്ടിരുന്ന വളർത്തു നായയെ പിടിച്ചു കൊണ്ടുപോയതു പുലി തന്നെയെന്ന് വനം വകുപ്പ്. പരിശോധനയിൽ പുലിയുടെതിന് സമാനമായ കാൽപാടുകൾ കണ്ടെത്തിയതായി വനം വകുപ്പ് ഉദ്യോ​ഗസ്ഥർ പറയുന്നു. കാൽപാടുകളുടെ ചിത്രങ്ങൾ ശേഖരിച്ച് ശസ്ത്രക്രിയ പരിശോധനയ്ക്ക് അയച്ചിട്ടുണ്ട്.

കാനഡയിൽ അധികാരമേറ്റ മാർക്ക് കാർണി മന്ത്രിസഭയിൽ ഇന്ത്യൻ വംശജരായ രണ്ട് വനിതകളും. ആരോ​ഗ്യവകുപ്പിന്റെ ചുമതല വഹിക്കുന്ന കമൽ ഖേര (36), ശാസ്ത്രം, വ്യവസായം എന്നീ വകുപ്പുകളുടെ ചുമതല ലഭിച്ച അനിത ആനന്ദ് (58) എന്നിവരുൾപ്പെടെ 11 വനിതകളാണ് 24 അം​ഗ മന്ത്രിസഭയിൽ ഇടം നേടിയത്. കാനഡയുടെ പാർലമെന്റിലേക്ക് തെരഞ്ഞെടുക്കപ്പെട്ട ഏറ്റവും പ്രായം കുറഞ്ഞ അം​ഗമായ കമൽ ഖേര ജനിച്ചത് ഡൽഹിയിലാണ്.

സ്കൂൾ വിദ്യാർഥികൾക്കിടയിൽ ആത്മഹത്യ, ലഹരിമരുന്നു ഉപയോ​ഗം, മാനസിക ആരോ​ഗ്യ പ്രശ്നങ്ങൾ വർധിച്ചു വരുന്ന സാഹചര്യത്തിൽ സ്കൂളുകളിൽ മതിയായ കൗൺസിലിങ് സൗകര്യങ്ങൾ ഇല്ലാത്തത് ആശങ്കയാകുന്നു. സംസ്ഥാനത്ത് 12,644 സ്കൂളുകളുണ്ട്. ഇതിൽ 4,504 എണ്ണം സർക്കാർ സ്കൂളുകളാണ്. 7,277 എയ്ഡഡ് സ്കൂളുകളും 863 അൺ എയ്ഡഡ് സ്കൂളുകളും ഉണ്ട്. 

ഇടുക്കി ഗ്രാമ്പിയിൽ ജനവാസ മേഖലയിലെത്തിയ കടുവയെ മയക്കുവെടിവെച്ച് പിടികൂടാനുള്ള ദൗത്യം ഇന്നും തുടരും. വണ്ടിപ്പെരിയാര്‍ പഞ്ചായത്തിലെ 15ാം വാര്‍ഡിൽ വൈകിട്ട് ആറുവരെ നിരോധനാജ്ഞ പ്രഖ്യാപിച്ചു. ജില്ലാ കലക്ടറാണ് നിരോധനാജ്ഞ പുറപ്പെടുവിച്ചത്.