തീരാതെ തര്‍ക്കം, കെപിസിസി ഭാരവാഹി പട്ടികയില്‍ അനിശ്ചിതത്വം തുടരുന്നു ; കെ സുധാകരന്‍ കേരളത്തിലേക്ക് മടങ്ങി
കെ സി വേണുഗോപാല്‍ മുന്നോട്ടുവെച്ച ചില പേരുകളോട് സംസ്ഥാന നേതൃത്വം വിയോജിപ്പ് പ്രകടിപ്പിച്ചതായി റിപ്പോര്‍ട്ടുണ്ട്
കെ സുധാകരന്‍/ഫയല്‍
Last Updated :20 January 2024, 8:50 am IST
Edited by :migrator
ന്യൂഡല്‍ഹി : കെപിസിസി ഭാരവാഹി പട്ടികയില്‍ അനിശ്ചിതത്വം തുടരുന്നു. തര്‍ക്കം തുടരുന്ന സാഹചര്യത്തില്‍ ഹൈക്കമാന്‍ഡിന് പട്ടിക കൈമാറാനാവാതെ പ്രസിഡന്റ് കെ സുധാകരന്‍ കേരളത്തിലേക്കു മടങ്ങി. എഐസിസി ജനറല്‍ സെക്രട്ടറി കെ സി വേണുഗോപാല്‍ മുന്നോട്ടുവെച്ച ചില പേരുകളോട് സംസ്ഥാന നേതൃത്വം വിയോജിപ്പ് പ്രകടിപ്പിച്ചതായി റിപ്പോര്‍ട്ടുണ്ട്.
വനിതാ പ്രാതിനിധ്യം ഉറപ്പാക്കുന്നതിന് ഭാരവാഹിത്വത്തിനുള്ള മാനദണ്ഡങ്ങളില്‍ ചിലര്‍ക്ക് ഇളവുകള്‍ നല്‍കാനുള്ള നീക്കത്തിനെതിരെ സംസ്ഥാനത്ത് പ്രതിഷേധം ഉയര്‍ന്നിട്ടുണ്ട്. രണ്ട് ഡിസിസി മുന്‍ പ്രസിഡന്റുമാര്‍ക്ക് മാനദണ്ഡത്തില്‍ ഇളവ് നല്‍കണമെന്ന നിര്‍ദേശവും തര്‍ക്കത്തിന് ഇടയാക്കിയിട്ടുണ്ട്. പട്ടികയില്‍ സാമുദായിക സന്തുലനം ഉറപ്പാക്കുന്നതിലും ആശയക്കുഴപ്പം നീങ്ങിയിട്ടില്ല.
51 പേരായി വെട്ടിച്ചുരുക്കുന്ന പട്ടികയില്‍ ഉള്‍പ്പെടുത്തേണ്ടവരെ സംബന്ധിച്ച് സംസ്ഥാനത്തു നിന്ന് ആവശ്യങ്ങളും പരാതികളും സമ്മര്‍ദവും ഉയര്‍ന്നതോടെയാണ് തീരുമാനം നീണ്ടത്. ഉമ്മന്‍ ചാണ്ടി, രമേശ് ചെന്നിത്തല എന്നിവരടക്കമുള്ള നേതാക്കളുമായി കേരളത്തില്‍ സുധാകരന്‍ വീണ്ടും ചര്‍ച്ച നടത്തിയേക്കും. അനിശ്ചിതത്വം പരിഹരിച്ച ശേഷം ഈയാഴ്ച ഒടുവില്‍ സുധാകരന്‍ വീണ്ടും ഡല്‍ഹിയിലെത്തുമെന്നാണ് വിവരം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
'ലോകകപ്പില്‍ ബുംറയ്ക്കൊപ്പം ഭുവനേശ്വറും കളിക്കും?' സര്‍പ്രൈസ് തിരിച്ചുവരവില്‍ വന്‍ പ്രവചനം
'ജനാധിപത്യം തിരിച്ചു കൊണ്ടുവരാന്‍ വേണ്ടി നടത്തുന്ന സമരം; രാഹുല്‍ ആവേശം പകരുന്ന നേതാവ്'
ഇന്ത്യന്‍ മാതൃകയില്‍ 'എസ്‌ഐആര്‍' നടപ്പാക്കാന്‍ ട്രംപ്; പൗരത്വ പരിശോധനയ്‌ക്ക് ഒരുങ്ങി അമേരിക്ക
'നാളെയും പ്രതിഷേധം'; മാര്‍ച്ച് തടയാം എന്നാല്‍ ജനങ്ങളുടെ ഇച്ഛാശക്തിയെ തടയാന്‍ കഴിയില്ല: രാഹുല്‍ഗാന്ധി
