ചെന്നിത്തല ജനം ഇഷ്ടപ്പെടുന്ന നേതാവ്; സതീശന്‍ വെറുപ്പ് വിലയ്ക്ക് മേടിക്കുന്ന ആള്‍; വെള്ളാപ്പള്ളി നടേശന്‍

ആലപ്പുഴ: രമേശ് ചെന്നിത്തലയെ പിന്തുണച്ചും വിഡി സതീശനെതിരെ രൂക്ഷവിമര്‍ശനവുമായി എസ്എന്‍ഡിപിയോഗം ജനറല്‍ സെക്രട്ടറി വെള്ളാപ്പള്ളി നടേശന്‍. വിഡി സതീശന്‍ വെറുപ്പ് വിലയ്ക്ക് മേടിക്കുന്ന ആളാണെന്നും എന്നാല്‍ രമേശ് ചെന്നിത്തല അങ്ങനെയല്ലെന്നും ജനം ഇഷ്ടപ്പെടുന്ന നേതാവ് ആണെന്നും വെള്ളാപ്പള്ളി നടേശന്‍ പറഞ്ഞു.

രമേശ് ചെന്നിത്തല എന്‍എസ്എസുമായി അകന്നു നില്‍ക്കാന്‍ പാടില്ലെന്നും അദ്ദേഹം പറഞ്ഞു. പിണക്കങ്ങള്‍ തീര്‍ത്ത് ഇണങ്ങിപ്പോകുന്നതാണ് എല്ലാ രാഷ്ട്രീയ നേതാക്കള്‍ക്കും നല്ലത്. പ്രതിപക്ഷനേതാവ് പക്വത ഇല്ലാതെ വെറുപ്പ് വിലയ്ക്ക് മേടിക്കുന്ന ആളാണ്. നാക്കുകൊണ്ട്. രമേശിന്റെ പെരുമാറ്റമോ പറച്ചിലോ അങ്ങനെയല്ല. ഇരുത്തംവന്ന രാഷ്ട്രീയ നേതാവ് എന്നനിലയില്‍ രമേശിനെ ജനം ഇഷ്ടപ്പെടുന്നെന്നും വെള്ളാപ്പള്ളി പറഞ്ഞു.

അഞ്ചുവയസ്സുകാരനെ കൊല്ലാന്‍ ശ്രമം; അച്ഛന് ഏഴ് വര്‍ഷം തടവ്; രണ്ടാനമ്മയ്ക്ക് പത്ത് വര്‍ഷം തടവ്

എല്ലാവരെയും യോജിപ്പിച്ച് കൊണ്ടുപോകാനാണ് രമേശ് ശ്രമിക്കുന്നത്. എസ്എന്‍ഡിപിയും രമേശ് ചെന്നിത്തലയും തമ്മില്‍ കടലും കടലാടിയും പോലുളള ബന്ധമാണെന്നും അദ്ദേഹം പറഞ്ഞു.