അരിക്കൊമ്പനൊപ്പം ഉണ്ടായിരുന്ന പിടിയാനയും കുട്ടിയാനകളും; മയക്കുവെടിവെച്ച സ്ഥലത്ത് കറങ്ങി കാട്ടാനക്കൂട്ടം

തൊടുപുഴ: അരിക്കൊമ്പന്‍ കാടുമാറിയതിന് പിന്നാലെ ഇടുക്കി ചിന്നക്കനാലില്‍ വീണ്ടും കാട്ടാനക്കൂട്ടം ഇറങ്ങി. അരിക്കൊമ്പനെ മയക്കുവെടിവെച്ച സിമന്റു പാലത്തിന് സമീപത്താണ് കാട്ടാനക്കൂട്ടം ഇറങ്ങിയത്. ഇവയെ നിരീക്ഷിച്ചുവരുകയാണെന്ന് വനം വകുപ്പ് അധികൃതര്‍ പറഞ്ഞു.

അരിക്കൊമ്പനൊപ്പമുണ്ടായിരുന്ന പിടിയാനയും കുട്ടിയാനകളുമാണ് ജനവാസമേഖലക്ക് സമീപത്തേക്ക് എത്തിയതെന്നാണ് പറയുന്നത്. സമീപം ചക്കക്കൊമ്പനും ഉണ്ടായിരുന്നു.

നിലവില്‍ പത്ത് ആനകള്‍ പ്രദേശത്തുള്ളതായാണ് വിവരം. അരിക്കൊമ്പനെ പിടിച്ചെങ്കിലും ചിന്നക്കനാലില്‍ ആനയുടെ ആക്രമണം പൂര്‍ണമായി അവസാനിക്കില്ലെന്നാണ് കാട്ടാനക്കൂട്ടങ്ങളുടെ സാന്നിധ്യം നല്‍കുന്ന സൂചന.

ഈ വാര്‍ത്ത കൂടി വായിക്കൂ  ഒരു വന്ദേഭാരത് തന്നിട്ട് വീമ്പു പറയുന്നു,  പ്രധാനമന്ത്രി വസ്തുതാവിരുദ്ധ കാര്യങ്ങള്‍ പറയാമോ?; രൂക്ഷ വിമര്‍ശനവുമായി മുഖ്യമന്ത്രി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ