ആറ്റില്‍ കുളിക്കുന്നതിനിടെ ഇടുക്കി സ്വദേശി മുങ്ങിമരിച്ചു

പത്തനംതിട്ട: പുഴയില്‍ കുളിക്കാനിറങ്ങിയ ഇടുക്കി സ്വദേശിയായ യുവാവ് മുങ്ങിമരിച്ചു. 40വയസ്സുള്ള ചന്ദ്രൻ ആണ് മരിച്ചത്. ചിറ്റാര്‍ അള്ളുങ്കല്‍ അണക്കെട്ടിനു സമീപം കക്കാട്ടാറ്റിൽ കുളിക്കാൻ ഇറങ്ങിയപ്പോഴാണ് അപകടമുണ്ടായത്. ഇന്ന് ഉച്ചയ്ക്ക് രണ്ടുമണിയോടെയാണ് സംഭവം. 

ഇടുക്കി സ്വദേശിയായ ഇയാൾ കൈതത്തോട്ടത്തില്‍ ജോലിക്കെത്തിയതാണ്. കുളിക്കുന്നതിനിടയില്‍ ചന്ദ്രന്‍ വെള്ളത്തില്‍ മുങ്ങിപ്പോകുകയായിരുന്നു. അഗ്നിശമന സേനയും നാട്ടുകാരും ചേർന്ന് നടത്തിയ തിരച്ചിലിനൊടുവിലാണ് മൃതദേഹം കണ്ടെത്തിയത്.