കുവൈത്ത് സിറ്റി: കോവിഡ് 19 ബാധിച്ച് ഒരു ഇന്ത്യക്കാരന്‍ കൂടി കുവൈത്തില്‍ മരിച്ചു. തീവ്രപരിചരണ വിഭാഗത്തില്‍ ചികിത്സയില്‍ കഴിഞ്ഞിരുന്ന 61കാരനാണ് മരിച്ചത്. ഇതോടെ കോവിഡ് വൈറസ് ബാധിച്ച് രാജ്യത്ത്  മരണമടഞ്ഞവരുടെ എണ്ണം 23 ആയി. ഇവരില്‍ 8 പേര്‍ ഇന്ത്യക്കാരാണ്.

164 രോഗികള്‍ കൂടി സുഖം പ്രാപിച്ചതോടെ രോഗമുക്തി നേടിയവരുടെ എണ്ണം 1176 ആയി. അതേ സമയം 64 ഇന്ത്യക്കാര്‍ അടക്കം 152 പേര്‍ക്ക് പുതുതായി കോവിഡ് സ്ഥിരീകരിച്ചു.