കോഴി സമരം ഒത്തു തീര്‍പ്പായി; കിലോ 87 രൂപയ്ക്ക് വില്‍ക്കും 

കോഴിക്കോട്‌:കോഴി വ്യാപാരികളുടെ സമരം ഒത്തുതീര്‍പ്പായി. കിലോ 87രൂപയ്ക്ക് വില്‍ക്കാന്‍ ധാരണയായി. കോഴിയിറച്ചി കിലോയ്ക്ക് 158രൂപയ്ക്ക് വില്‍ക്കാം. കോഴിയിറച്ചി വ്യാപാരികളുമായി കോഴിക്കോട് ധമന്ത്രി വിളിച്ചു ചേര്‍ത്ത യോഗത്തിലാണ് തീരുമാനമായത്.വിപണിയിലെ ഏറ്റക്കുറച്ചിലുകള്‍ അനുസരിച്ച് വില മാറാമെന്ന് തോമസ് ഐസക് പറഞ്ഞു. സര്‍ക്കാര്‍ നിശ്ചയിച്ച വിലയില്‍ കോഴി വില്‍ക്കാനാകില്ലെന്ന് വ്യക്തമാക്കി വ്യാപാരികള്‍ കോഴിക്കടകള്‍ അടച്ചിട്ടിരിക്കുന്ന സാഹചര്യത്തിലാണ് വ്യാപാരികളുമായി ധനമന്ത്രി ചര്‍ച്ച നടത്തിയത്.ജിഎസ്ടി നടപ്പാക്കിയതിന് ശേഷം 130 മുതല്‍ 160 രൂപവരെയാണ് കോഴിയിറച്ചിക്ക് വില ഈടാക്കുന്നത്. നേരത്തെ പതിനാലര ശതമായിരുന്നു കോഴിക്ക് കേരളത്തില്‍ നികുതി ഈടാക്കിയിരുന്നത്. ജിഎസ്ടി വന്നതോടെ ഇത് ഇല്ലാതായി. ജിഎസ്ടിയില്‍ ഇറച്ചിക്കോഴിക്ക് നികുതി ഇല്ല.