കൊച്ചി: നടിയെ തട്ടിക്കൊണ്ടുപോയ സംഭവത്തിലെ ഗൂഢാലോചന പുറത്തു കൊണ്ടുവരണമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍. പ്രതികളെ പിടിച്ചത് കേരളാ പോലീസിന്റെ കഴിവാണെന്ന് എല്ലാവര്‍ക്കും അംഗീകരിക്കേണ്ടി വരും. എന്നാല്‍ പ്രതികളെ പിടികൂടുന്നതിനേക്കാള്‍ ഉപരി ഗൂഢാലോചന പുറത്തു കൊണ്ടുവരണമെന്നാണ് ജനങ്ങളുടെ ആവശ്യം. പോലീസും സര്‍ക്കാരും അതിനായി ശ്രമിക്കണമെന്നും കാനം ആവശ്യപ്പെട്ടു.
ഒന്നോ രണ്ടോ ഡ്രൈവര്‍മാര്‍ വിചാരിച്ചാല്‍ നടക്കുന്ന സംഭവമല്ലിത്. കേരളത്തെ നടുക്കിയ സംഭവമാണിതെന്നും അദ്ദേഹം പറഞ്ഞു. നടിയെ ആക്രമിച്ചതിന് പിന്നില്‍ ക്രിമിനല്‍ ഗൂഢാലോചന നടന്നിട്ടുണ്ടെന്ന് കാനം രാജേന്ദ്രന്‍ നേരത്തേ അഭിപ്രായപ്പെട്ടിരുന്നു.