ചരിത്രകാരൻ ഡോ. ഹരിശങ്കർ വാസുദേവൻ കോവിഡ് ബാധിച്ച് മരിച്ചു 

കൊൽക്കത്ത: പ്ര​മു​ഖ ച​രി​ത്ര​കാരൻ ഡോ. ഹ​രിശ​ങ്ക​ർ വാ​സു​ദേ​വ​ൻ കോ​വി​ഡ്​ ബാ​ധി​ച്ച്​ മ​രി​ച്ചു. 68 വയസ്സായിരുന്നു. കൊൽക്കത്തയിലെ സ്വകാര്യാശുപത്രിയിൽ ശനിയാഴ്ച പുലർച്ചെ ഒരുമണിയോടെയാണ് അന്ത്യം. കടുത്ത പനിയും ശ്വാസതടസ്സവും മൂലം മേ​യ്​ നാ​ലി​നാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. തു​ട​ർ​ന്ന്​ വെന്റിലേ​റ്റ​റി​ലാ​ക്കി​യി​രു​ന്നു.  ബുധനാഴ്ചയാണ് കോവിഡ് സ്ഥിരീകരിച്ചത്. 

കേം​ബ്രി​ഡ്​​ജ്​ സ​ർ​വ​ക​ലാ​ശാ​ല​യി​ൽ​നി​ന്നാ​ണ്​ ബി​രു​ദ​വും ബി​രു​ദാ​ന​ന്ത​ര ബി​രു​ദ​വും ഡോ​ക്​​ട​റേ​റ്റും​ നേ​ടി​യ ഡോ. ഹരിശങ്കർ 1978 മുതൽ കൽക്കട്ട സർവകലാശാലയിൽ ചരിത്രവിഭാഗം അധ്യാപകനായിരുന്നു. സെ​ൻ​ട്ര​ൽ ഏ​ഷ്യ​ൻ സ്​​റ്റ​ഡീ​സി​ൽ പ്ര​ഫ​സ​റാ​യും ജാ​മി​യ മി​ലി​യ സ​ർ​വ​ക​ലാ​ശാ​ല​യി​ലെ അ​ക്കാ​ദ​മി ഓ​ഫ്​ തേ​ഡ്​ വേ​ൾ​ഡ്​ സ്​​റ്റ​ഡീ​സ്​ ഡ​യ​റ​ക്​​ട​റാ​യും പ്രവർത്തിച്ചു. 2005 മുതൽ എൻസിഇആർടിയുടെ സാമൂഹികശാസ്ത്ര പാഠപുസ്തക വികസന സമിതി അധ്യക്ഷനാണ്.

പാലക്കാട് ശ്രീകൃഷ്ണപുരം മമ്പിള്ളിക്കളത്തിൽ കുടുംബാംഗമാണ് ഹരിശങ്കർ.  ച​രി​ത്ര​കാ​രി ത​പ​തി ഗു​ഹ താ​കു​ർ​ത്ത​യാ​ണ്​ ഭാ​ര്യ. മകൾ: മൃണാളിനി