പത്തുരൂപയ്ക്ക് ഒരു കിലോ മത്തി!

കണ്ണൂർ: പയ്യന്നൂരിൽ മത്തി വില ക്രമാതീതമായി താഴ്ന്നു. പാലക്കോട് കടപ്പുറത്താണ് ചുരുങ്ങിയ വിലയ്ക്ക് മത്സ്യം വിറ്റഴിക്കുന്നത്. ഒരു കിലോ മത്തി 25 രൂപ‌യ്ക്കും പത്തുരൂപയ്ക്കും ഇടയിലാണ് വിറ്റഴിച്ചത്. 25 വർഷത്തിനു ശേഷമാണ് മത്സ്യത്തിന് ഇത്രയും വില കുറയുന്നത് എന്ന് തൊഴിലാളികൾ പറയുന്നു.

അയല 70 രൂപയ്ക്കും കേതൽ 120 രൂപയ്ക്കുമാണ് ഇന്നലെ വിറ്റത്. ഫിഷ് മിൽ വ്യവസായികളുടെ സമരമാണ് മത്സ്യത്തിനു വില കുറയാൻ പ്രധാന കാരണം.