മൊസാംബിക്കില്‍ കപ്പല്‍ ജീവനക്കാരുമായി പോയ ബോട്ട് മുങ്ങി, 3 ഇന്ത്യക്കാര്‍ മരിച്ചു; കാണാതായ 5 പേരില്‍ മലയാളിയും
ചരക്ക് കപ്പലിലെ ജീവനക്കാരെ വഹിച്ചുകൊണ്ടിരുന്ന ലോഞ്ച് ബോട്ട് മറിഞ്ഞാണ് അപകടം ഉണ്ടായതെന്ന് മൊസാംബിക്കിലെ ഇന്ത്യന്‍ ഹൈക്കമ്മീഷന്‍ അറിയിച്ചു
Mozambique boat accidentreprecentational image
Edited by :Anoop N P
Last Updated :18 ഒക്ടോബർ 2025, 6:45 am IST
മാപുട്ടോ: ആഫ്രിക്കന്‍ രാജ്യമായ മൊസാംബിക്കില്‍ ബെയ്‌റാ തുറമുഖത്തിനു സമീപം ഉണ്ടായ ബോട്ട് അപകടത്തില്‍ മൂന്ന് ഇന്ത്യക്കാര്‍ മരിച്ചു. അഞ്ച് പേരെ കാണാതായി. കാണാതായവരില്‍ മലയാളിയും ഉള്‍പ്പെടുന്നതായാണ് വിവരം. തുറമുഖത്തിന് സമീപം ക്രൂ ട്രാന്‍സ്ഫര്‍ ഓപ്പറേഷനിനിടെ ചരക്ക് കപ്പലിലെ ജീവനക്കാരെ വഹിച്ചുകൊണ്ടിരുന്ന ലോഞ്ച് ബോട്ട് മറിഞ്ഞാണ് അപകടം ഉണ്ടായതെന്ന് മൊസാംബിക്കിലെ ഇന്ത്യന്‍ ഹൈക്കമ്മീഷന്‍ അറിയിച്ചു.
തുറമുഖത്തിനു സമീപം നങ്കൂരമിട്ടിരുന്ന എംടി സീ ക്വസ്റ്റ് എന്ന എണ്ണടാങ്കറിലെ ജീവനക്കാരാണ് അപടകടത്തില്‍പ്പെട്ടത്. ബോട്ടിലെ ജോലിക്കാരും കപ്പലില്‍ ജോലിക്കു കയറേണ്ടവരും ഉള്‍പ്പെടെ 21 പേരാണു ബോട്ടില്‍ ഉണ്ടായിരുന്നത്. 13 പേരെ രക്ഷപ്പെടുത്തി.
കപ്പലില്‍ അറ്റകുറ്റപ്പണികള്‍ നടത്തുന്ന കമ്പനിയിലെ ജീവനക്കാരനാണ് കാണാതായ ഇന്ദ്രജിത്ത്. കപ്പലില്‍ ജോലിക്കു കയറുന്നതിനു ബോട്ടില്‍ പോകുമ്പോഴായിരുന്നു അപകടം. ബോട്ടിലുണ്ടായിരുന്ന മറ്റൊരു മലയാളി യുവാവ് രക്ഷപ്പെട്ടു. കപ്പലില്‍ മേഖലയില്‍ ജോലിക്കാരനായ ഇന്ദ്രജിത്തിന്റെ പിതാവ് സന്തോഷ് ഇന്നു മൊസാംബിക്കില്‍ എത്തും. ഇന്ത്യന്‍ നയതന്ത്ര ഉദ്യോഗസ്ഥര്‍ ചികിത്സയിലുള്ളവരെ സന്ദര്‍ശിച്ചു.
News Now
ബംഗാളിലെ 'താരസുന്ദരി'; നടി രുക്മിണി മല്ലിക് ബിജെപിയില്‍
'എത്ര ചിരിച്ചാലും വയസ് കുറയില്ല, ആന്റി സ്‌റ്റേജും കഴിയാറായി'; പരിഹാസ കമന്റിന് മറുപടി നല്‍കി നവ്യ നായര്‍
മുഖ്യ തെരഞ്ഞെടുപ്പ് കമ്മീഷണറെ അടിയന്തരമായി സസ്പെൻഡ് ചെയ്യണമെന്ന ആവശ്യം തള്ളി സുപ്രീം കോടതി: കേന്ദ്രത്തിനും സിഇസിക്കും നോട്ടീസ്
കരുത്തുറ്റ 9000 എംഎഎച്ച് ബാറ്ററി, 200എംപി മെയിന്‍ കാമറ; വണ്‍പ്ലസ് 16 ലോഞ്ച് ഒക്ടോബര്‍ 12ന്
Summary
At least three Indian nationals have died, and five others remain missing after a launch boat carrying crew members of a tanker capsized during a crew transfer operation off the coast of Beira port in central Mozambique, according to the Indian High Commission in Mozambique.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
