ഗതികെട്ടാല്‍ എന്തും ചെയ്യും!; സിംഹത്തെ കുത്തിമലര്‍ത്തി കാട്ടുപോത്ത് (വീഡിയോ)

കാട്ടിലെ രാജാവായാണ് സിംഹത്തെ വിശേഷിപ്പിക്കുന്നത്. പലപ്പോഴും സിംഹത്തിനും അടിതെറ്റാറുണ്ട്. ചില സാഹചര്യങ്ങളില്‍ മൃഗങ്ങള്‍ ജീവന് വേണ്ടി സര്‍വ്വശക്തിയും ഉപയോഗിച്ച് പോരാടുമ്പോള്‍ സിംഹത്തിന് പിന്മാറേണ്ടി വന്നിട്ടുണ്ട്. ഇത്തരം  ദൃശ്യങ്ങള്‍ വ്യാപകമായി പുറത്തുവന്നിട്ടുണ്ട്.

അത്തരത്തിലുള്ള ഒരു വീഡിയോയാണ് ഇപ്പോള്‍ വൈറലാകുന്നത്. വേട്ടയാടാന്‍ ശ്രമിച്ച കാട്ടുപോത്ത് പ്രതിരോധം തീര്‍ത്തതോടെ, സിംഹം അവശനായി വീഴുന്ന കാഴ്ചയാണ് വീഡിയോയുടെ ആകര്‍ഷണം. തുടക്കത്തില്‍ കാട്ടുപോത്തിനെ കടിച്ചുകിടക്കുകയാണ് സിംഹം. പിടിവിടാതെ കിടക്കുന്ന സിംഹത്തില്‍ നിന്ന് കാട്ടുപോത്തിനെ രക്ഷിക്കാന്‍ അതേ വര്‍ഗത്തില്‍പ്പെട്ടവര്‍ തന്നെ രംഗത്തുവരുന്നതാണ് പിന്നീട്. 

കാട്ടുപോത്തുകള്‍ കൂട്ടമായി ആക്രമിച്ചതോടെ അവശനായി സിംഹം കിടക്കുന്നതാണ് അവസാനം. സിംഹത്തെ തന്നെ നിരീക്ഷിച്ച് കൊണ്ട് കാട്ടുപോത്ത് നില്‍ക്കുന്നതും വീഡിയോയില്‍ കാണാം.