ന്യൂയോര്‍ക്ക്: കൂട്ടിയിടിയില്‍ നിന്ന് കഷ്ടിച്ച് രക്ഷപ്പെട്ട് അമേരിക്കന്‍- ചൈനീസ് യുദ്ധ വിമാനങ്ങള്‍. ദക്ഷിണ ചൈന കടലിലാണ് ഇരുവിമാനങ്ങളും നേര്‍ക്കുനേര്‍ വന്നത്.

ഡിസംബര്‍ 21നായിരുന്നു സംഭവം. ദക്ഷിണ ചൈന കടലില്‍ പതിവായി നടത്തുന്ന നിരീക്ഷണ പറക്കലിനിടെയായിരുന്നു ചൈനീസ് പ്രകോപനമെന്ന് അമേരിക്കന്‍ സായുധ സേന അറിയിച്ചു. അമേരിക്കയുടെ ആര്‍സി- 135 യുദ്ധവിമാനവും ചൈനയുടെ ജെ-11 യുദ്ധവിമാനവുമാണ് നേര്‍ക്കുനേര്‍ വന്നത്. 20 അടി അടുത്തുവരെ ഇരുവിമാനങ്ങളും എത്തിയതായാണ് അമേരിക്കന്‍ സായുധ സേനയുടെ പ്രസ്താവനയില്‍ പറയുന്നു. 

കൂട്ടിയിടി ഒഴിവാക്കാന്‍ ആര്‍സി- 135 യുദ്ധവിമാനത്തിലെ പൈലറ്റ് സമയോചിതമായ ഇടപെടലാണ് നടത്തിയത്. അത് കൊണ്ട് വന്‍ അപകടം ഒഴിവായതായും പ്രസ്താവനയില്‍ പറയുന്നു. ദക്ഷിണ ചൈന കടലിലെ വിയറ്റ്‌നാം, മലേഷ്യ, ബ്രൂണെ, ഇന്തോനേഷ്യ, ഫിലിപ്പീന്‍സ് എന്നിവയുടെ എക്‌സ്‌ക്ലൂസീവ് ഇക്കണോമിക് സോണുകള്‍ തങ്ങളുടേതാണ് എന്നാണ് ചൈനയുടെ അവകാശവാദം.

ഈ വാര്‍ത്ത കൂടി വായിക്കൂ 

'ചിലനേരം അസാധ്യമായത് സംഭവിക്കും'; മലമുകളിലേക്ക് ബൈക്കില്‍ പാഞ്ഞ് യുവാവ്, വീഡിയോ വൈറല്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ