വന്‍ തീപിടിത്തം; കൂറ്റന്‍ പള്ളിമിനാരം തകര്‍ന്നുവീണു (വീഡിയോ)

ജക്കാര്‍ത്ത: ഇന്തോനേഷ്യയില്‍ മസ്ജിദ് നവീകരണത്തിനിടെയുണ്ടായ തീപിടിത്തത്തില്‍ കൂറ്റന്‍ താഴികക്കുടം തകര്‍ന്നുവീണു. ജക്കാര്‍ത്തയിലെ ഇസ്‌ലാമിക് സെന്റര്‍ ഗ്രാന്റ് മസ്ജിദിലാണ് തീപിടിത്തമുണ്ടായത്. 

ബുധനാഴ്ച വൈകുന്നേരം മൂന്നുമണിയോടെയാണ് അപകടമുണ്ടായത്. അഗ്നിരക്ഷാ സേന മണിക്കൂറുകള്‍ നീണ്ട പരിശ്രമത്തിനൊടുവില്‍ തീയണച്ചു. കൂറ്റന്‍ പള്ളിമിനാരം തകര്‍ന്നൂവീഴുന്നതിന്റെ ദൃശ്യങ്ങള്‍ സാമൂഹ്യ മാധ്യമങ്ങളിലൂടെ പുറത്തുവന്നു. 

തീപിടിത്തത്തിന്റെ യഥാര്‍ഥ കാരണം വ്യക്തമല്ല. അപകടത്തില്‍ ആളപായമില്ല. സംഭവത്തക്കുറിച്ച് പൊലീസ് അന്വേഷണം ആരംഭിച്ചിട്ടുണ്ട്.
നിരവധി വ്യവസായിക-വിദ്യാഭ്യാസ കേന്ദ്രങ്ങള്‍ സ്ഥിതി ചെയ്യുന്ന മേഖലയിലാണ് പള്ളി സ്ഥിതി ചെയ്യുന്നത്. 20 വര്‍ഷം മുമ്പ് പളളി നവീകരിക്കുന്ന സമയത്ത്് താഴികക്കുടത്തിന് തീപിടിച്ചിരുന്നു.

ഈ വാര്‍ത്ത കൂടി വായിക്കൂ ഉടന്‍ യുക്രൈന്‍ വിടണം; വിദ്യാര്‍ഥികള്‍ അടക്കമുള്ള ഇന്ത്യന്‍ പൗരന്മാര്‍ക്ക് എംബസിയുടെ നിര്‍ദേശം

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ