വാഷിങ്ടൺ: അമേരിക്കൻ പ്രസിഡന്റ് ജോ ബൈഡന്റെ അർബുദബാധയുള്ള ചർമ്മം നീക്കം ചെയ്തതായി വൈറ്റ് ഹൗസ് അറിയിച്ചു. പതിവ് പരിശോധനയിലാണ് ബൈഡന് നെ‍ഞ്ചിലെ ചർമ്മത്തിൽ ചെറിയ മുറിവുള്ളതായി കണ്ടെത്തിയത്. എന്നാൽ ​ഗുരുതരമല്ലെന്നും ഡോക്ടർമാർ പറഞ്ഞു. അദ്ദേഹം പൂർണ ആരോ​ഗ്യവാനാണെന്നും ബയോപ്‌സി ചെയ്ത ഭാഗത്തെ മുറിവ് കരിഞ്ഞുവെന്നും വൈറ്റ് ഹൗസ് പുറത്തുവിട്ട റിപ്പോർട്ടിൽ പറയുന്നു.

ആരോഗ്യ സംരക്ഷണത്തിന്റെ ഭാഗമായി അദ്ദേഹം ഇപ്പോൾ ഡെർമറ്റോളജിസ്റ്റിന്റെ നിരീക്ഷണത്തിലാണ്. നോൺ-മെലനോമ സ്‌കിൻ കാൻസറാണ് അദ്ദേഹത്തെ ബാധിച്ചിരുന്നത്. ഇത് സ്‌ക്വാമസ് സെൽ കാൻസർ പോലുള്ള ഗുരുതരമായ ത്വക്ക് അർബുദങ്ങളെക്കാൾ നിരുപദ്രവകാരമായ ഒന്നാണെന്നും റിപ്പോർട്ടിൽ പറയുന്നു. നിലവിൽ അമേരിക്കൻ പ്രസിഡന്റ് സ്ഥാനത്തെത്തിയ ഏറ്റവും പ്രായം കൂടിയ ആളാണ് അദ്ദേഹം. 2024ലെ തെരഞ്ഞെടുപ്പിൽ ജോ ബൈഡൻ വീണ്ടും മത്സരിക്കുമെന്നാണ് സൂചന.

ഈ വാര്‍ത്ത കൂടി വായിക്കൂ 

നൊബേൽ പുരസ്‌കാര ജേതാവ് ഏൽസ് ബിയാലിയാറ്റ്‌സ്കിക്ക് 10 വർഷം തടവ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ