റോം: പ്രണയം തുറന്നുപറയാൻ ഏതറ്റം വരെയും പോകാൻ തയ്യാറാണ് പല കമിതാക്കളും. വ്യത്യസ്​തമായ വിവാഹാഭ്യർഥന നടത്താനാണ് പലരുടെയും ശ്രമം. എന്നാലിതാ കോവിഡ് കാലത്തെ തികച്ചും വ്യത്യസ്തമായ ഒരു വിവാഹാഭ്യർത്ഥനയാണ് സെഷ്യൽ മീഡിയയിൽ വൈറലാകുന്നത്. 

ഇറ്റലിയിലെ മെയിൽ നഴ്​സായ ജോസഫ്​​ പൻജൻറ്​ ആണ് കാമുകിയോട് ഹൃദയം തുറന്നത്. കോവിഡ്​ സുരക്ഷ കവചമായ പിപിഇ കിറ്റിൻറെ​ പുറകിൽ 'കാർമലി നിങ്ങൾക്കെന്നെ വിവാഹം ചെയ്യാമോ' എന്നെഴുതിയായിരുന്നു ജോസഫ്​​ തന്റെ പ്രണയം തുറന്നുപറഞ്ഞത്. ഫേസ്​ബുക്കിലൂടെയാണ് വ്യത്യസ്​തമായ രീതിയിൽ വിവാഹാഭ്യർഥന നടത്തിയത്. കാർമലിയുടെ അഭിപ്രായം അറിയാൻ  'യെസ്'​ അല്ലെങ്കിൽ 'നോ' എന്ന്​ രണ്ട് ഓപ്ഷനുകളും നൽകിയിട്ടുണ്ട്. 

ആശുപത്രി വരാന്തയിൽ വെച്ച് പകർത്തിയ ചിത്രമാണ് പങ്കുവച്ചിരിക്കുന്നത്​. പോസ്റ്റിന്​ കീഴിലെ 16ാമത്തെ കമന്റായാണ് കാമുകിയുടെ മറുപടി എത്തിയത്. ആറ്​ ഹാർട്ട്​ ഇമോജിയുടെ അകമ്പടികളോടെയായിരുന്നു അവർ സമ്മതം മൂളിയത്.