ഡയാന രാജകുമാരിയുടെ ​ഗൗൺ; പ്രതീക്ഷിച്ചതിന്റെ അഞ്ചിരട്ടി; ലേലം പോയത് 4.9 കോടിക്ക്! 

ന്യൂയോർക്ക്: ഡയാന രാജകുമാരിയുടെ ​ഗൗൺ ലേലത്തിൽ പോയത് ആറ് ലക്ഷം ഡോളറിന് (ഏകദേശം 4.9 കോടി രൂപ). പർപ്പിൾ നിറത്തിലുള്ള വെൽവവെറ്റ് ​ഗൗണാണ് ലേലത്തിൽ പോയത്. 

വെള്ളിയാഴ്ച ന്യൂയോർക്കിലാണ് ലേലം നടന്നത്. ബഹുരാഷ്ട്ര സ്ഥാപനമായ സോത്തെബീസ് ആണ് ലേലം സംഘടിപ്പിച്ചത്. പ്രതീക്ഷിച്ച തുകയുടെ അഞ്ചിരട്ടിയാണ് ​ഗൗണിന് ലഭിച്ചത്.  80,000 മുതല്‍ 1,20,000 ഡോളര്‍ വരെയാണ് വസ്ത്രത്തിന് പ്രതീക്ഷിച്ചിരുന്ന തുക. 

1991ൽ എടുത്ത ഔദ്യോഗിക ചിത്രത്തിലും 1997ലെ വാനിറ്റി ഫയര്‍ ഫോട്ടോ ഷൂട്ടിലും ഡയാന ഈ ഗൗണ്‍ ധരിച്ചിരുന്നു. ബ്രിട്ടീഷ് ഡിസൈനറായ വിക്ടര്‍ എഡല്‍സ്റ്റീനാണ് വസ്ത്രം രൂപകല്‍പന ചെയ്തത്. 1989ലെ ഓട്ടം കലക്ഷന്റെ ഭാഗമായാണ് വസ്ത്രം നിര്‍മിച്ചത്. കിരീട ആകൃതിയിലാണ് ​ഗൗണിന്റെ രൂപകൽപ്പന. 1982 മുതല്‍ 1993 വരെ എഡല്‍സ്റ്റീല്‍ ഡയാനയ്ക്ക് വേണ്ടി വസ്ത്രങ്ങള്‍ ഡിസൈന്‍ ചെയ്തിട്ടുണ്ട്. 

1997ല്‍ 24,150 ഡോളറിന് ഈ വസ്ത്രം ആദ്യമായി ലേലത്തില്‍ പോയിരുന്നു. അക്കൊല്ലം ഡയാന ലേലത്തില്‍ വില്‍ക്കാന്‍ തീരുമാനിച്ച കോക്ടെയ്ല്‍, ഈവനിങ് വസ്ത്രങ്ങളിലൊന്നായിരുന്നു ഇത്. 

ഈ വാര്‍ത്ത കൂടി വായിക്കൂ 

ഭൂമിയെ ലക്ഷ്യമാക്കി ഉല്‍ക്ക, 2200 മൈല്‍ മാത്രം അകലെ; തൊട്ടരികിലൂടെ കടന്നുപോകുന്നതില്‍ റെക്കോര്‍ഡ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ