ബ്രസീലിൽ പൊലീസും ലഹരി മാഫിയയും ഏറ്റുമുട്ടി; വെടിവയ്പ്പിൽ 25 മരണം

റിയോ; ബ്രസീലിലെ റിയോ ഡീ ജനീറോയിലുണ്ടായ വെടിവയ്പ്പിൽ 25 പേർ മരിച്ചു. പൊലീസും ലഹരിമാഫിയയുമായി തമ്മിലുള്ള ഏറ്റുമുട്ടലാണ് ഇത്രയും പേരുടെ ജീവനെടുത്തത്. മരിച്ചവരിൽ ഒരു പൊലീസുകാരനും ഉൾപ്പെടുന്നു.മെട്രോ ട്രെയിനിലെ 2 യാത്രക്കാർക്ക് വെടിയേറ്റെങ്കിലും രക്ഷപ്പെട്ടു. 

വ്യാഴാഴ്ച രാവിലെയാണ് വെടിവയ്പ്പ് നടന്നത്. ഫവേലയിൽ ലഹരി മാഫിയ കുട്ടികളെ ഉപയോഗപ്പെടുത്തി ലഹരി വിൽപ്പന നടത്തുന്നു എന്ന വിവരത്തെ തുടർന്ന് പൊലീസ് പരിശോധന നടത്തുന്നതിനിടെയാണ് വെടിവയ്പ്പുണ്ടായത്.സംഭവത്തെക്കുറിച്ച് പൊലീസ് അന്വേഷണം തുടങ്ങി.