പഞ്ച്ശീറും താലിബാന്‍ നിയന്ത്രണത്തില്‍, കീഴടക്കാനായത് കാബൂള്‍ പിടിച്ച് ഇരുപതാം ദിവസം

കാബൂള്‍: അഫ്ഗാനിസ്ഥാനിലെ പഞ്ച്ശീര്‍ പ്രവിശ്യയും പൂര്‍ണമായും നിയന്ത്രണത്തിലാക്കിയതായി താലിബാന്‍ അവകാശപ്പെട്ടു. രാജ്യത്ത് താലിബാന്റെ നിയന്ത്രണത്തിനു പുറത്തുണ്ടായിരുന്ന ഏക പ്രവിശ്യയാണ് പഞ്ചശീര്‍. തലസ്ഥാനമായ കാബൂള്‍ കീഴടക്കി ഇരുപതു ദിവസത്തിനു ശേഷമാണ് താലിബാന്‍ പഞ്ച്ശീര്‍ നിയന്ത്രണത്തിലാക്കിയത്. 

എട്ടു ജില്ലകളാണ് പഞ്ചശീര്‍ പ്രവിശ്യയിലുള്ളത്. ഈ ജില്ലകളിലെല്ലാം താലിബാന്‍ സൈനികര്‍ മേധാവിത്തം നേടിയതായി എപി റിപ്പോര്‍ട്ട് ചെയ്തു. ഞായറാഴ്ച വൈകിട്ടോടെയാണ് ചെറുത്തുനിന്നവരെ പൂര്‍ണമായും തോല്‍പ്പിച്ച് താബിലാന്‍ പ്രവിശ്യ കൈപ്പിടിയിലാക്കിയത്. 

പഞ്ചശീര്‍ പൂര്‍ണമായും താലിബാന്‍ നിയന്ത്രണത്തിലാണെന്ന് വക്താവ് സബീനുല്ല മുജാഹിദ് പ്രസ്താവനയില്‍ പറഞ്ഞു.