കംഗാരു 'ചാടിച്ചാടി ഓടുന്നത് കാണാന്‍ പ്രത്യേക ഭംഗിയാണ്. ഇപ്പോള്‍ തണുത്തുറഞ്ഞ നദിയില്‍ കാല്‍ അനക്കാന്‍ കഴിയാതെ കുടുങ്ങിയ കംഗാരുവിനെ രക്ഷിക്കുന്നതിന്റെയും ഇതിന് കംഗാരുവിന്റെ നന്ദിപ്രകടനത്തിന്റെയും ദൃശ്യങ്ങളാണ് ഇപ്പോള്‍ വൈറലാകുന്നത്.

സുശാന്ത നന്ദ ഐഎഫ്എസാണ് വീഡിയോ പങ്കുവെച്ചത്. നദിയില്‍ കാല്‍ മരവിച്ച് പോയതിനെ തുടര്‍ന്ന് അനങ്ങാന്‍ കഴിയാതെ നില്‍ക്കുന്ന കംഗാരുവിന്റെ ദൃശ്യങ്ങളാണ് വീഡിയോയുടെ തുടക്കത്തില്‍. കംഗാരുവിനെ രക്ഷിക്കാന്‍ രണ്ടുപേര്‍ നദിയില്‍ ഇറങ്ങി. തുടര്‍ന്ന് കംഗാരുവിനെ പിടിച്ച് ഉയര്‍ത്തി കരയില്‍ എത്തിച്ചു. തുടര്‍ന്ന് കംഗാരുവിന്റെ നന്ദിപ്രകടനമാണ് വീഡിയോയുടെ ശ്രദ്ധേയമായ ഭാഗം.