60 വര്‍ഷം പഴക്കം. വില എട്ട് കോടി രൂപ. ഒരു കുപ്പി വിസ്‌കിയുടെ കാര്യമാണ് ഈ പറയുന്നത്. സ്‌കോട്ട്‌ലാന്‍ഡിലായിരുന്നു സംഭവം. എഡിന്‍ബര്‍ഗില്‍ റെക്കോര്‍ഡ് തുകയ്ക്ക് വിറ്റുപോവുകയായിരുന്നു ഈ വിസ്‌കി. 

മാക്കല്ലന്‍ വലേരിയോ അഡാമി എന്നാണ് വിസ്‌കിയുടെ പേര്. ആറ് കോടി രൂപയ്ക്ക് ഹോങ്കോങ്ങില്‍ വിറ്റുപോയ വിസ്‌കിയുടെ റെക്കോര്‍ഡാണ് ഇവിടെ മറികടന്നത്. 1926ല്‍ നിര്‍മിച്ച വിസ്‌കിയാണ് സ്‌കോട്ട്‌ലാന്‍ഡില്‍ ഇപ്പോള്‍ റെക്കോര്‍ഡ് തീര്‍ത്തിരിക്കുന്നു എന്നാണ് റിപ്പോര്‍ട്ട്. 

1986 വരെ ഈ വിസ്‌കി വീപ്പയിലായിരുന്നു സൂക്ഷിച്ചിരുന്നത്. 1986ല്‍ ഇത് കുപ്പിയിലേക്ക് മാറ്റി. ബോണ്‍ഹാസ് വിഭാഗത്തില്‍പ്പെടുന്നതാണ് ഈ വിസ്‌കി. ഇതുപോലെ 24 കുപ്പികളുണ്ടായിരുന്നു. എന്നാല്‍ ഇവയില്‍ എത്ര കുപ്പികള്‍ ശേഷിക്കുന്നു എന്ന് വ്യക്തമല്ല.