തുടർച്ചയായി പൂജ്യത്തിന് പുറത്ത്; അഭിഷേക് ശർമയ്ക്ക് ഇനിയും അവസരം?

ടി20യിലെ ഒന്നാം നമ്പർ ബാറ്ററായ അഭിഷേക് ശർമ തന്റെ കരിയറിലെ ഏറ്റവും മോശം കാലഘട്ടങ്ങളിലോടെയാണ് കടന്നുപോകുന്നത്. ലോകകപ്പിന് തൊട്ടു മുൻപ് പരിക്കേറ്റ താരം കളിക്കളത്തിലേക്ക് മടങ്ങി വന്നപ്പോൾ വലിയ പ്രതീക്ഷയാണ് ആരാധകർക്ക് ഉണ്ടായിരുന്നത്. പക്ഷെ ആ പ്രതീക്ഷകൾക്ക് ഒത്ത തരത്തിലുള്ള പ്രകടനം പുറത്തെടുക്കാൻ താരത്തിന് കഴിഞ്ഞിട്ടില്ല. ഇതുവരെ കളിച്ച മൂന്ന് ലോകകപ്പ് മത്സരങ്ങളിലും പൂജ്യത്തിനാണ് അഭിഷേക് പുറത്തായത്. സൂപ്പർ 8 ഘട്ടത്തിൽ സൗത്ത് ആഫ്രിക്കയ്ക്ക് എതിരെയാണ് ഇനി ഇന്ത്യയുടെ അടുത്ത മത്സരം. അതിലും പരാജയപ്പെട്ടാൽ താരത്തിന്റെ കരിയർ തന്നെ ചോദ്യചിഹ്നമായി മാറും.