വെറും 18 പന്ത്, 50 റണ്‍സ്; അതിവേഗം അഭിഷേക്!

ഇന്‍ഡോര്‍: വെസ്റ്റ് ഇന്‍ഡീസിനെതിരായ മൂന്നാം ടി20 പോരാട്ടത്തില്‍ 18 പന്തില്‍ അതിവേഗ അര്‍ധ സെഞ്ച്വറിയുമായി ഇന്ത്യന്‍ ഓപ്പണര്‍ അഭിഷേക് ശര്‍മ. 4 വീതം സിക്‌സും ഫോറും സഹിതമാണ് അഭിഷേക് 50 കടന്നത്.

ടോസ് നേടി വിന്‍ഡീസ് ബൗളിങ് എടുക്കുകയായിരുന്നു. ഇന്ത്യക്കായി ഓപ്പണിങ് ഇറങ്ങിയ മലയാളി താരം സഞ്ജു സാംസണ് തിളങ്ങാനായില്ല. താരം 3 റണ്‍സുമായി പുറത്തായി.

പിന്നീട് രണ്ടാം വിക്കറ്റില്‍ ഇഷാന്‍ കിഷന്‍ എത്തിയതോടെ അഭിഷേക് അതിവേഗം ഗിയര്‍ മാറ്റി. ഇഷാനും വമ്പന്‍ അടികളുമായി കളം വാണു. ഇന്ത്യന്‍ ടീമില്‍ രണ്ട് മാറ്റമുണ്ട്. ശിവം ദുബെയ്ക്ക് പകരം നിതീഷ് കുമാര്‍ റെഡ്ഡിയും കുല്‍ദീപ് യാദവിന് പകരം പ്രിന്‍സ് യാദവും ഇലവനിലെത്തി.

ഇന്ത്യ പ്ലെയിങ് ഇലവന്‍: ശ്രേയസ് അയ്യര്‍ (ക്യാപ്റ്റന്‍), സഞ്ജു സാംസണ്‍, അഭിഷേക് ശര്‍മ, ഇഷാന്‍ കിഷന്‍, തിലക് വര്‍മ, നിതീഷ് റെഡ്ഡി, നമാന്‍ ധിര്‍, അക്ഷര്‍ പട്ടേല്‍, അര്‍ഷ്ദീപ് സിങ്, മായങ്ക് യാദവ്, പ്രിന്‍സ് യാദവ്.