ന്യൂഡല്‍ഹി: വിരാട് കോഹ് ലിയെ ക്യാപ്റ്റന്‍ സ്ഥാനത്ത് നിന്ന് മാറ്റിയ വിധം ബിസിസിഐ പ്രഖ്യാപിച്ചത് ഏറെ വിമര്‍ശനങ്ങള്‍ക്ക് ഇടയാക്കിയിരുന്നു. ഇതോടെ കോഹ് ലിയേയും ആരാധകരേയും തണുപ്പിക്കാന്‍ ബിസിസിഐയുടെ ശ്രമം. 

ഏകദിന ക്യാപ്റ്റന്‍സിയിലെ കോഹ് ലിയുടെ നേട്ടങ്ങള്‍ ചൂണ്ടിയും നന്ദി പറഞ്ഞും എത്തുകയാണ് ബിസിസിഐ ഇപ്പോള്‍. ക്യാപ്റ്റന്‍ സ്ഥാനം ഏറ്റെടുത്ത ആദ്യ ഏകദിനത്തില്‍ മാച്ച് വിന്നിങ് ഇന്നിങ്‌സിലൂടെ കോഹ് ലി വരവറിയിച്ചത് മുതലുള്ള നേട്ടങ്ങളാണ് സമൂഹമാധ്യമങ്ങളിലൂടെ ബിസിസിഐ പങ്കുവയ്ക്കുന്നത്. 

രോഹിത്തിനെ ക്യാപ്റ്റനായി പ്രഖ്യാപിച്ച ട്വീറ്റില്‍ കോഹ്‌ലിയെ കുറിച്ച് മൗന

ഏകദിന ടീമിന്റെ നായകനായി കോഹ്‌ലിയെ നിയമിച്ച കാര്യം മാത്രമായിരുന്നു ആദ്യ ട്വീറ്റില്‍ ബിസിസിഐ പങ്കുവെച്ചത്. ഇതോടെ ബിസിസിഐക്കെതിരെ ആരാധകര്‍ രംഗത്തെത്തി. കോഹ് ലിയുടെ നേട്ടങ്ങളിലേക്കൊന്നും ചൂണ്ടാതിരുന്നത് അപമാനിക്കലാണെന്ന് ആരാധകര്‍ ആരോപിച്ചു. 

ഏകദിന നായക സ്ഥാനത്ത് നിന്നും മാറാന്‍ കോഹ് ലി ആഗ്രഹിച്ചിരുന്നില്ല എന്നാണ് റിപ്പോര്‍ട്ടുകള്‍. നായക സ്ഥാനം രാജി വയ്ക്കുന്നതായി പ്രഖ്യാപിക്കാന്‍ കോഹ് ലിക്ക് 48 മണിക്കൂര്‍ സമയം നല്‍കി. എന്നാല്‍ കോഹ് ലി തയ്യാറാവാതിരുന്നതോടെ 49ാമത്തെ മണിക്കൂറില്‍ ബിസിസിഐയുടെ പ്രഖ്യാപനം വന്നു.