വിനീഷ്യസിന്റെ ഗോളില്‍ പരാഗ്വേയെ തകര്‍ത്തു; ലോകകപ്പ് യോഗ്യത നേടി ബ്രസീല്‍

ബ്രസീലിയ: പരാഗ്വേയെ ഒരു ഗോളിന് തോല്‍പ്പിച്ച ബ്രസീല്‍ 2026 ഫിഫ ലോകകപ്പിന് യോഗ്യത നേടി. മത്സരത്തിലെ ഏക ഗോള്‍ 44-ാം മിനിറ്റില്‍ വിനീഷ്യസ് ജൂനിയര്‍ ( Vinicius Junior) ആണ് ഗോള്‍ നേടിയത്. മാത്യൂസ് കുഞ്ഞ്യയുടെ മികച്ച അസിസ്റ്റില്‍ നിന്നാണ് വിനീഷ്യസ് ഗോള്‍ കണ്ടെത്തിയത്. ഈ ഗോള്‍ ബ്രസീലിന് ആദ്യ പകുതിക്ക് തൊട്ടുമുന്‍പ് നിര്‍ണായകമായ ലീഡ് നല്‍കി. 1930 മുതലുള്ള എല്ലാ ഫുട്‌ബോള്‍ ലോകകപ്പിലും യോഗ്യത നേടിയ ഏക ടീമാണ് ബ്രസീല്‍.

പ്രചരിക്കുന്നത് ഊഹാപോഹങ്ങള്‍; ആര്‍സിബി വില്‍ക്കുന്നില്ല; റിപ്പോര്‍ട്ട് തള്ളി ഉടമകള്‍

കാര്‍ലോ ആഞ്ചലോട്ടി ബ്രസീല്‍ പരിശീലകനായ ശേഷമുള്ള ആദ്യ വിജയമാണിത്. മത്സരത്തിലുടനീളം ബ്രസീല്‍ ആണ് ആധിപത്യം കാഴ്ചവെച്ചത്. കളിയുടെ 73 ശതമാനവും പന്ത് കൈവശം വച്ചത് ബ്രസീല്‍ ആണ്. വല ലക്ഷ്യമാക്കി നാലു തവണയാണ് ബ്രസീല്‍ ഷോട്ട് ഉതിര്‍ത്തത്. പാസിന്റെ കൃത്യതയിലും ബ്രസീല്‍ തന്നെയാണ് മികച്ചുനിന്നത്. ബ്രസീലിന്റെ 85 ശതമാനം പാസും കൃത്യതയുള്ളതായിരുന്നു.

നിക്കോളാസ് പുരാന്‍ ഹിന്ദുവാണോ? താരത്തിന് ഇന്ത്യന്‍ വേരുകളുണ്ടോ, വിരമിക്കലിനിടെ ചര്‍ച്ചയായത്

മത്സരവിജയത്തോടെ യോഗ്യതാമത്സരങ്ങളില്‍ നിന്ന് ബ്രസീലിന് ഇപ്പോള്‍ 25 പോയിന്റായി. അവര്‍ തെക്കേ അമേരിക്കന്‍ യോഗ്യത പട്ടികയില്‍ മൂന്നാം സ്ഥാനത്താണ്.