'ജീവിതത്തിലെ രണ്ടാം ഇന്നിങ്‌സിന് ആശംസകള്‍'; രഹാനെയ്ക്ക് നന്ദി പറഞ്ഞ് ആരാധകര്‍

കേപ്ടൗണ്‍ ടെസ്റ്റിന്റെ രണ്ടാം ഇന്നിങ്‌സിലും പരാജയപ്പെട്ടതിന് പിന്നാലെ രഹാനെയ്ക്ക് നേരെ ആരാധകര്‍. താങ്ക്യു രഹാനെ ഹാഷ് ടാഗ് ആണ് സമൂഹമാധ്യമങ്ങളില്‍ ട്രെന്‍ഡിങ് ആവുന്നത്. 

സൗത്ത് ആഫ്രിക്കന്‍ പര്യടനത്തില്‍ വാന്‍ഡറേഴ്‌സിലെ രണ്ടാം ഇന്നിങ്‌സില്‍ ഒഴിച്ച് മറ്റൊരു കളിയിലും രഹാനെയ്ക്ക് സ്‌കോര്‍ 50ന് മുകളില്‍ ഉയര്‍ത്താന്‍ കഴിഞ്ഞില്ല. കേപ്ടൗണില്‍ ഒന്നാം ഇന്നിങ്‌സില്‍ 9 റണ്‍സ് എടുത്താണ് രഹാനെ മടങ്ങിയത്. രണ്ടാം ഇന്നിങ്‌സില്‍ പുറത്തായത് ഒരു റണ്‍സിനും.

ആദ്യ ടെസ്റ്റില്‍ സെഞ്ചൂറിയനിലെ ഒന്നാം ഇന്നിങ്‌സില്‍ രഹാനെ 48 റണ്‍സ് നേടിയിരുന്നു. മൂന്ന് ടെസ്റ്റുകളില്‍ നിന്ന് 136 റണ്‍സാണ് രഹാനെ കണ്ടെത്തിയത്. 2019 ഒക്ടോബറിന് ശേഷം ഒരു സെഞ്ചുറി മാത്രമാണ് രഹാനെ നേടിയത്. 38.85 ആയിരുന്നു 2020ല്‍ രഹാനെയുടെ ബാറ്റിങ് ശരാശരി. 2021ലേക്ക് വന്നപ്പോള്‍ ഇത് 19.57 ആയി താഴ്ന്നിരുന്നു.