'അഞ്ച് മിനിറ്റില്‍ എന്റെ ഇംഗ്ലീഷ് തീരും'; ചിരി പടര്‍ത്തി അഫ്ഗാന്‍ ക്യാപ്റ്റന്‍(വീഡിയോ)

ദുബായ്: മീഡിയ റൂമില്‍ ചിരി പടര്‍ത്തി അഫ്ഗാന്‍ ക്യാപ്റ്റന്‍ മുഹമ്മദ് നബി. സ്‌കോട്ട്‌ലാന്‍ഡിന് എതിരെ 130 റണ്‍സിന്റെ കൂറ്റന്‍ ജയം നേടിയ കളിക്ക് പിന്നാലെയാണ് അഫ്ഗാന്‍ നായകന്റെ രസകരമായ പ്രതികരണം വന്നത്. 

ഇത് തനിക്ക് ഏറ്റവും ബുദ്ധിമുട്ടുള്ള ജോലിയാണ് എന്നാണ് മീഡിയ റൂമിലേക്ക് കയറി വന്നപ്പോള്‍ തന്നെ മുഹമ്മദ് നബി പറഞ്ഞത്. എത്ര ചോദ്യങ്ങളുണ്ട് എന്നായി അടുത്ത ചോദ്യം. അഞ്ച് മിനിറ്റിനുള്ളില്‍ തന്റെ ഇംഗ്ലീഷ് തീരുമെന്ന് നബി പറഞ്ഞതോടെ മീഡിയ റൂമില്‍ കൂട്ടച്ചിരി...

സ്‌കോട്ട്‌ലാന്‍ഡിനെതിരായ കളി ആരംഭിക്കുന്നതിന് മുന്‍പ് ദേശിയ ഗാനം പാടവെ നബി കണ്ണീരണിഞ്ഞിരുന്നു. അഫ്ഗാന്‍ ജനതയുടെ മുഖത്ത് ചിരി കൊണ്ടുവരാനാണ് ലോകകപ്പില്‍ തങ്ങള്‍ ശ്രമിക്കുക എന്നാണ് മത്സരത്തിന് മുന്‍പ് നബി പറഞ്ഞത്.