'ഗള്ളി ക്രിക്കറ്റില്‍ ഞങ്ങള്‍ പറഞ്ഞു വിടുക നോണ്‍ സ്‌ട്രൈക്കറെ'; നികോള്‍സിന്റെ വിക്കറ്റില്‍ സച്ചിന്‍ ടെണ്ടുല്‍ക്കര്‍ 

മുംബൈ: ന്യൂസിലന്‍ഡ് ബാറ്റര്‍ ഹെന്റി നികോള്‍സിന്റെ വിചിത്ര പുറത്താവലിനെ ചൊല്ലിയുള്ള ചര്‍ച്ചകള്‍ ക്രിക്കറ്റ് ലോകത്ത് അവസാനിക്കുന്നില്ല. ഇപ്പോഴിതാ ബാറ്റിങ് ഇതിഹാസം സച്ചിന്‍ ടെണ്ടുല്‍ക്കറാണ് രസകരമായ പ്രതികരണവുമായി എത്തുന്നത്. 

ഗള്ളി ക്രിക്കറ്റിലായിരുന്നു എങ്കില്‍ നോണ്‍ സ്‌ട്രൈക്കറെയാവും നമ്മള്‍ ഔട്ടായതായി പ്രഖ്യാപിക്കുക എന്നാണ് സച്ചിന്‍ ട്വിറ്ററില്‍ കുറിച്ചത്. ഇംഗ്ലണ്ടിനെതിരായ ഹെഡിങ്‌ലേ ടെസ്റ്റിന്റെ ആദ്യ ദിനമാണ് നികോള്‍സ് നിര്‍ഭാഗ്യകരമായി പുറത്തായത്.