നാല് റണ്‍സുമായി മായങ്ക് മടങ്ങി; ഇന്ത്യക്ക് 146 റൺസ് ലീഡ്
നാല് റണ്‍സുമായി മായങ്ക് മടങ്ങി; ഇന്ത്യക്ക് 146 റൺസ് ലീഡ്
ഫോട്ടോ: ട്വിറ്റർ
Last Updated :20 January 2024, 8:52 am IST
Edited by :migrator
സെഞ്ചൂറിയന്‍: ദക്ഷിണാഫ്രിക്കക്കെതിരായ ഒന്നാം ക്രിക്കറ്റ് ടെസ്റ്റില്‍ രണ്ടാം ഇന്നിങ്‌സ് ബാറ്റിങ് തുടങ്ങിയ ഇന്ത്യക്ക് ഒരു വിക്കറ്റ് നഷ്ടം. ഓപ്പണര്‍ മായങ്ക് അഗര്‍വാളാണ് മടങ്ങിയത്. താരം നാല് റണ്‍സുമായി പുറത്തായി. മാര്‍ക്കോ ജന്‍സന്റെ പന്തില്‍ വിക്കറ്റ് കീപ്പര്‍ ക്വിന്റണ്‍ ഡി കോക്കിന് പിടി നല്‍കിയാണ് മടങ്ങിയത്.
മൂന്നാം ദിനം കളി അവസാനിക്കുമ്പോള്‍ രണ്ടാം ഇന്നിങ്‌സില്‍ ഇന്ത്യ ഒരു വിക്കറ്റ് നഷ്ടത്തില്‍ 16 റണ്‍സെന്ന നിലയില്‍. അഞ്ച് റണ്‍സുമായി ഓപ്പണര്‍ കെഎല്‍ രാഹുലും നാല് റണ്‍സുമായി നൈറ്റ് വാച്മാന്‍ ശാര്‍ദുല്‍ ഠാക്കൂറുമാണ് ക്രീസില്‍.
ഒന്നാം ഇന്നിങ്‌സില്‍ 327 റണ്‍സില്‍ പുറത്തായ ഇന്ത്യ, ദക്ഷിണാഫ്രിക്കയെ 197 റണ്‍സില്‍ ഒതുക്കി 130 റണ്‍സിന്റെ ലീഡ് സ്വന്തമാക്കിയാണ് രണ്ടാം ഇന്നിങ്‌സ് ആരംഭിച്ചത്. ഒന്‍പത് വിക്കറ്റുകള്‍ ശേഷിക്കെ ഇന്ത്യയുടെ ലീഡ് 146 റണ്‍സായി.
ഷമിയ്ക്ക് മുന്നില്‍ വീണ് ദക്ഷിണാഫ്രിക്കന്‍ ബാറ്റിങ് നിര
അഞ്ച് വിക്കറ്റുകള്‍ വീഴ്ത്തിയ മുഹമ്മദ് ഷമിയുടെ പന്തുകളാണ് ദക്ഷിണാഫ്രിക്കയുടെ കണക്കുകൂട്ടലുകള്‍ തെറ്റിച്ചത്. ബുമ്‌റ, ശാര്‍ദുല്‍ ഠാക്കൂര്‍ എന്നിവര്‍ രണ്ട് വീതം വിക്കറ്റുകളും മുഹമ്മദ് സിറാജ് ഒരു വിക്കറ്റും സ്വന്തമാക്കി.
അര്‍ധ സെഞ്ച്വറി (52) നേടിയ ടെംബ ബവുമയാണ് ദക്ഷിണാഫ്രിക്കയുടെ ടോപ് സ്‌കോറര്‍. ക്വിന്റന്‍ ഡി കോക്ക് (34), വാലറ്റത്ത് പൊരുതി നിന്ന (25) റബാഡ എന്നിവരാണ് മറ്റ് പ്രധാന സ്‌കോറര്‍മാര്‍.
144 റണ്‍സ് സ്‌കോര്‍ബോര്‍ഡിലേക്ക് ചേര്‍ക്കുന്നതിനിടെ പ്രോട്ടീസിന് ഏഴു വിക്കറ്റുകള്‍ നഷ്ടമായിരുന്നു. ഡീന്‍ എല്‍ഗാര്‍ (1), കീഗന്‍ പീറ്റേഴ്‌സണ്‍ (15), എയ്ഡന്‍ മാര്‍ക്രം (13), റസ്സി വാന്‍ ഡെര്‍ ദസ്സന്‍ (3) എന്നിവര്‍ സ്‌കോര്‍ബോര്‍ഡില്‍ 32 റണ്‍സ് ചേര്‍ക്കുന്നതിനിടെ തന്നെ മടങ്ങി.
തുടര്‍ന്ന് ക്രീസില്‍ ഒന്നിച്ച ടെംബ ബവുമ ക്വിന്റണ്‍ ഡിക്കോക്ക് സഖ്യം സ്‌കോര്‍ 100 കടത്തി. 63 പന്തില്‍ നിന്ന് 34 റണ്‍സെടുത്ത ഡിക്കോക്കിനെ മടക്കി ഷാര്‍ദുല്‍ ഠാക്കൂറാണ് ഈ കൂട്ടുകെട്ട് പൊളിച്ചത്.
പിന്നാലെ 12 റണ്‍സെടുത്ത വിയാന്‍ മള്‍ഡറെ ഷമി മടക്കി. ഇന്ത്യന്‍ പേസര്‍മാരെ നേരിട്ട് 103 പന്തില്‍ നിന്നും 52 റണ്‍സെടുത്ത ബവുമയുടെ ഊഴമായിരുന്നു അടുത്തത്. താരത്തെ ഷമി ഋഷഭിന്റെ കൈകളിലെത്തിക്കുകയായിരുന്നു. മാര്‍ക്കോ ജന്‍സന്‍ (19), കേശവ് മഹാരാജ് (12) എന്നിവരാണ് പുറത്തായ മറ്റ് താരങ്ങള്‍. ലുംഗി എന്‍ഗിഡി പുറത്താകാതെ നിന്നു.
അതേസമയം ബൗളിങ്ങിനിടെ ജസ്പ്രീത് ബുംറയ്ക്ക് പരിക്കേറ്റത് ഇന്ത്യയ്ക്ക് തിരിച്ചടിയായി. 11ാം ഓവര്‍ ബൗള്‍ ചെയ്യുന്നതിനിടെ ഫോളോ ത്രൂവിന് ശേഷം ബുംറയുടെ വലതുകാലിന്റെ ഉപ്പൂറ്റിക്ക് പരിക്കേല്‍ക്കുകയായിരുന്നു. വൈദ്യസഹായം തേടിയ ബുമ്‌റ വൈകാതെ മൈതാനം വിട്ടു. പിന്നീട് തിരിച്ചെത്തി വീണ്ടും പന്തെറിഞ്ഞ ബുമ്‌റ ഒരു വിക്കറ്റ് കൂടി പിഴുതു.
നേരത്തെ ഒന്നാം ഇന്നിങ്‌സില്‍ ഇന്ത്യ 327 റണ്‍സിന് പുറത്തായിരുന്നു. മഴമൂലം പൂര്‍ണമായും നഷ്ടമായ രണ്ടാം ദിനത്തിനു ശേഷം മൂന്നാം ദിനം കളത്തിലിറങ്ങിയ ഇന്ത്യയ്ക്ക് 55 റണ്‍സ് കൂടി മാത്രമേ കൂട്ടിച്ചേര്‍ക്കാനായുള്ളൂ.
മൂന്നാം ദിനം മൂന്നിന് 272 റണ്‍സെന്ന നിലയില്‍ ബാറ്റിങ് ആരംഭിച്ച ഇന്ത്യയുടെ ആറു വിക്കറ്റുകള്‍ 49 റണ്‍സിനിടെ നിലംപൊത്തി. ആറു വിക്കറ്റുകള്‍ വീഴ്ത്തിയ ലുങ്കി എന്‍ഗിഡിയാണ് ഇന്ത്യയെ തകര്‍ത്തത്.
260 പന്തില്‍ നിന്ന് ഒരു സിക്‌സും 16 ഫോറുമടക്കം 123 റണ്‍സെടുത്ത കെഎല്‍ രാഹുലാണ് ഇന്ത്യയുടെ ടോപ് സ്‌കോറര്‍. താരത്തിന്റെ ഏഴാം ടെസ്റ്റ് സെഞ്ച്വറിയാണിത്. വിദേശ മണ്ണില്‍ ആറാമത്തേതും. രഹാനെ 102 പന്തുകള്‍ നേരിട്ട് 48 റണ്‍സെടുത്തു. മായങ്ക് അഗര്‍വാള്‍ 60 റണ്‍സുമായും തിളങ്ങി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
'ലോകകപ്പില്‍ ബുംറയ്ക്കൊപ്പം ഭുവനേശ്വറും കളിക്കും?' സര്‍പ്രൈസ് തിരിച്ചുവരവില്‍ വന്‍ പ്രവചനം
'ജനാധിപത്യം തിരിച്ചു കൊണ്ടുവരാന്‍ വേണ്ടി നടത്തുന്ന സമരം; രാഹുല്‍ ആവേശം പകരുന്ന നേതാവ്'
ഇന്ത്യന്‍ മാതൃകയില്‍ 'എസ്‌ഐആര്‍' നടപ്പാക്കാന്‍ ട്രംപ്; പൗരത്വ പരിശോധനയ്‌ക്ക് ഒരുങ്ങി അമേരിക്ക
'നാളെയും പ്രതിഷേധം'; മാര്‍ച്ച് തടയാം എന്നാല്‍ ജനങ്ങളുടെ ഇച്ഛാശക്തിയെ തടയാന്‍ കഴിയില്ല: രാഹുല്‍ഗാന്ധി
