ജയിക്കുമ്പോള്‍ '90 പന്തുകള്‍' ബാക്കി! വനിതാ ടി20യില്‍ പുതിയ റെക്കോര്‍ഡ് സ്ഥാപിച്ച് ഇന്ത്യ
ഏഷ്യന്‍ ഗെയിംസില്‍ ആതിഥേയരായ ജപ്പാനെ 8 വിക്കറ്റിന് വീഴ്ത്തി
India womens cricket teamx
Edited by :രഞ്ജിത്ത് കാർത്തിക
Last Updated :18 സെപ്റ്റംബർ 2026, 3:00 pm IST
നഗോയ: ഏഷ്യന്‍ ഗെയിംസ് വനിതാ ടി20 ക്രിക്കറ്റില്‍ ക്വാര്‍ട്ടറില്‍ ജപ്പാനെ വീഴ്ത്തി സെമിയുറപ്പിച്ച നിലവിലെ സ്വര്‍ണ ജേതാക്കളായ ഇന്ത്യ മൈതാനം വിട്ടത് ഒരു റെക്കോര്‍ഡ് നേട്ടവുമായി. ഇന്ത്യന്‍ വനിതാ ടീം ടി20 ഫോര്‍മാറ്റില്‍ സ്വന്തമാക്കുന്ന ഏറ്റവും വലിയ (പന്തുകളുടെ അടിസ്ഥാനത്തില്‍) വിജയമാണിത്. ആദ്യം ബാറ്റ് ചെയ്ത ഇന്ത്യ ജപ്പാനെ 57 റണ്‍സില്‍ ഓള്‍ ഔട്ടാക്കി. മറുപടി പറയാന്‍ ബാറ്റെടുത്ത ഇന്ത്യ വെറും 5 ഓവറില്‍ 59 റണ്‍സെടുത്ത് ലക്ഷ്യം കണ്ടു.
90 പന്തുകള്‍ അപ്പോഴും ബാക്കിയുണ്ടായിരുന്നു. ഇത്രയും പന്തുകള്‍ ബാക്കി നിര്‍ത്തിയുള്ള വിജയമാണ് റെക്കോര്‍ഡിന് ആധാരം. 2022ല്‍ 84 പന്തുകള്‍ ബാക്കി നിര്‍ത്തി നേടിയ വിജയത്തിന്റെ റെക്കോര്‍ഡാണ് ഇന്ത്യ തിരുത്തിയത്.
15 പന്തില്‍ 2 സിക്സും 6 ഫോറും സഹിതം 40 റണ്‍സ് അതിവേഗം അടിച്ചെടുത്ത ഷെഫാലി വര്‍മയുടെ ബാറ്റിങാണ് ഇന്ത്യന്‍ ജയം അനായാസമാക്കിയത്. ഷെഫാലിക്കൊപ്പം ഗുണാലന്‍ കമാലിനിയാണ് ഓപ്പണറായി വന്നത്. താരം 2 പന്തില്‍ റണ്ണൊന്നുമില്ലാതെ പുറത്തായത് ഇന്ത്യയെ ഞെട്ടിച്ചു. പിന്നാലെ വന്ന ഭാരതി ഫുല്‍മാലിയും അതിവേഗം മടങ്ങി. താരം 6 റണ്‍സില്‍ പുറത്തായി. നാലാം സ്ഥാനത്തെത്തിയ റിച്ച ഘോഷ് 6 പന്തില്‍ 12 റണ്‍സുമായി ഷെഫാലിക്കൊപ്പം പുറത്താകാതെ നിന്ന് ഇന്ത്യന്‍ ജയം പൂര്‍ത്തിയാക്കി.
WHAT TO READ NEXT
ഏഷ്യൻ ഗെയിംസ്; മനു ഭാക്കറും തജീന്ദർപാൽ സിങും ഇന്ത്യൻ പാതാകയേന്തും
നേരത്തെ ആദ്യം ബാറ്റ് ചെയ്ത ജപ്പാന്‍ നിരയ്ക്ക് ഇന്ത്യന്‍ സ്പിന്നര്‍മാര്‍ക്ക് മുന്നില്‍ കാര്യമായൊന്നും ചെയ്യാന്‍ കഴിഞ്ഞില്ല. ഓപ്പണര്‍മാര്‍ മാത്രമാണ് രണ്ടക്കം കടന്നത്. 25 റണ്‍സെടുത്ത 16കാരി അയക കാറ്റോ സ്റ്റാഫോര്‍ഡാണ് സ്‌കോര്‍ 50 കടക്കുന്നതില്‍ നിര്‍ണായകമായത്. സഹ ഓപ്പണര്‍ ഹരുന ഇവാസാകിയാണ് രണ്ടക്കം കടന്ന മറ്റൊരാള്‍. താരം 10 റണ്‍സെടുത്തു. ജപ്പാന്‍ ഇന്നിങ്സില്‍ ആകെ പിറന്നത് 3 ഫോറുകള്‍ മാത്രം.
ഏഷ്യാ കപ്പില്‍ മിന്നും ഫോമില്‍ പന്തെറിഞ്ഞ ശ്രീചരണിയാണ് ജപ്പാനെതിരെയും തിളങ്ങിയത്. താരം 4 ഓവറില്‍ 10 റണ്‍സ് മാത്രം വഴങ്ങി 4 വിക്കറ്റുകള്‍ വീഴ്ത്തി. ഷെഫാലി വര്‍മ 2 വിക്കറ്റും ശ്രേയങ്ക പാട്ടീല്‍, ദീപ്തി ശര്‍മ എന്നിവര്‍ ഓരോ വിക്കറ്റും നേടി.
News Now
പഞ്ചാബില്‍ ടൂറിസ്റ്റ് ബസ് മറിഞ്ഞ് അപകടം; മലയാളി വിദ്യാര്‍ഥിനിയ്ക്ക് ദാരുണാന്ത്യം
ദീര്‍ഘദൂര യാത്രയ്ക്ക് പോകുകയാണോ?, ട്രാവല്‍ ഇന്‍ഷുറന്‍സ് മറക്കരുത്; പ്രീമിയം തെരഞ്ഞെടുക്കുമ്പോള്‍ ശ്രദ്ധിക്കേണ്ട ആറു കാര്യങ്ങള്‍
'ഇത്തിരി പോന്ന എന്റെ പിറകെ ആട്ടിന്‍ കുട്ടിയെപ്പോലെ അവന്‍ നടന്നു; ആ വീട്ടുകാര്‍ എങ്ങനെ സഹിക്കും'; പല്ലാട്ട് ബ്രഹ്മദത്തനെ ഓര്‍ത്ത് മീനാക്ഷി
'എന്നെ ഓര്‍മ്മിക്കാനായി... നന്ദിയോടെ'; അധ്യാപക ദിനത്തില്‍ 55 വര്‍ഷം പഴക്കമുള്ള ചിത്രം പങ്കിട്ട് യുഎഇ പ്രസിഡന്റ്
Summary
India Women rewrote their T20I record books with a crushing eight-wicket victory over Japan, completing a 58-run chase in just five overs to register their biggest win by balls remaining
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
