News Now
മാധ്യമപ്രവര്‍ത്തകര്‍ക്കു നേരെ പൊലീസ് അതിക്രമം; സുപ്രീംകോടതിയെ സമീപിച്ച് കെയുഡബ്ല്യുജെ
വടകര എംഡിഎംഎ കേസ്: മുഖ്യപ്രതി പിടിയില്‍; മലബാറിലെ മൊത്തവിതരണക്കാരനെന്ന് പൊലീസ്
ലിയോ പതിനാലാമന്‍ മാര്‍പാപ്പയ്ക്ക് ശ്വാസകോശ അര്‍ബുദം സ്ഥിരീകരിച്ചു
കാത്തിരുന്ന പണം വന്നുചേരും. വരുമാനത്തിനുള്ള നല്ലൊരു മാര്‍ഗ്ഗം കണ്ടെത്തും
പൂനെ: ഇംഗ്ലണ്ടിനെതിരായ ആദ്യ എകദിനത്തില്‍ ഇന്ത്യയ്ക്ക് മികച്ച വിജയം. 42. 1 ഓവറില്‍ ഇന്ത്യ ഇംഗ്ലണ്ടിനെ എറിഞ്ഞിട്ടു. 318 റണ്‍സ് വിജയലക്ഷ്യവുമായി ഇറങ്ങിയ ഇംഗ്ലണ്ടിന് മികച്ച തുടക്കമായിരുന്നു. ഓപ്പണിങ് കൂട്ടുകെട്ട് 14.2ഓവറില്‍ 135 റണ്‍സ് നേടി. 46 റണ്‍സെടുത്ത ജേസണ്‍ റോയിയാണ് ആദ്യം പുറത്തായത്. 35 പന്തുകളില്‍ നിന്നും ഏഴ് ബൗണ്ടറികളുടെയും ഒരു സിക്സിന്റെയും അകമ്പടിയോടെ 46 റണ്‍സെടുത്ത റോയിയെ പ്രസിദ്ധ് കൃഷ്ണ സൂര്യകുമാര്‍ യാദവിന്റെ കൈയ്യിലെത്തിച്ചു. പ്രസിദ്ധിന്റെ ആദ്യ അന്താരാഷ്ട്ര വിക്കറ്റാണിത്.
ഒരു റണ്‍സെടുത്ത ബെന്‍ സ്റ്റോക്സിനെ പുറത്താക്കി പ്രസിദ്ധ് കൃഷ്ണയാണ് ഇംഗ്ലണ്ടിന്റെ രണ്ടാം വിക്കറ്റെടുത്തത്. ഇതോടെ 135 ന് പൂജ്യം എന്ന നിലയില്‍ നിന്നും ഇംഗ്ലണ്ട് 137 ന് 2 എന്ന നിലയിലേക്ക് വീണു. പിന്നാലെ വന്ന മോര്‍ഗനെ പുറത്താക്കാനുള്ള അവസരം വീരാട് കൊഹ് ലി പാഴാക്കി. പിന്നാലെ തകര്‍ത്തടിച്ച് ബെയര്‍‌സ്റ്റോയും വീണു. 66 പന്തുകളില്‍ നിന്നും ആറ് ബൗണ്ടറികളുടെയും ഏഴ് സിക്സുകളുടെയും സഹായത്തോടെ 94 റണ്‍സെടുത്ത ബെയര്‍സ്റ്റോയെ ശാര്‍ദുല്‍ ഠാക്കൂര്‍ കുല്‍ദീപ് യാദവിന്റെ കൈയ്യിലെത്തിച്ചു.
പിന്നീട് ഇടവേളകളില്‍ വിക്കറ്റ് വീഴ്ത്തി ഇന്ത്യ കളിയിലേക്ക് തിരിച്ചുവന്നു. ഇന്ത്യയ്ക്കായി് പ്രസിദ്ധും ശാര്‍ദുല്‍ ഠാക്കൂറും മൂന്ന് വിക്കറ്റുകള്‍ വീതം വീഴ്ത്തി. ഭുവനേശ് കുമാര്‍ രണ്ടും ക്രുനാല്‍ പാണ്ഡ്യ ഒരു വിക്കറ്റും വീഴ്ത്തി.
നേരത്തെ ഇന്ത്യ, നിശ്ചിത ഓവറില്‍ അഞ്ച് വിക്കറ്റ് നഷ്ടത്തില്‍് 317 റണ്‍സ് എടുത്തു. ഓപ്പണ്‍ ശിഖര്‍ ധവാന്‍ (98), ക്യപ്റ്റന്‍ വിരാട് കോലി (56), അവസാന ഓവറുകളില്‍ തകര്‍ത്തടിച്ച കെ.എല്‍.രാഹുല്‍ (43 പന്തില്‍ 62*), അരങ്ങേറ്റക്കാരന്‍ ക്രുണാല്‍ പാണ്ഡ്യ (31 പന്തില്‍ 58*) എന്നിവരുടെ തകര്‍പ്പന്‍ പ്രകടനാണ് ഇന്ത്യയെ മികച്ച സ്‌കോറിലെത്തിച്ചത്. ആറാം വിക്കറ്റില്‍ രാഹുല്‍ ക്രുണാല്‍ സഖ്യം 112 റണ്‍സാണ് അടിച്ചുകൂട്ടിയത്.
നാല് ഫോറും നാല് സിക്സറുകളും സഹിതമായിരുന്നു രാഹുലിന്റെ ഇന്നിങ്സ്. ക്രുണാല്‍ 7 ഫോറും 2 സിക്സും അടിച്ചു. ശിഖര്‍ ധവാന്‍ (106 പന്തില്‍ 98), രോഹിത് ശര്‍മ (42 പന്തില്‍ 28), വിരാട് കോലി (60 പന്തില്‍ 56), ശ്രേയസ് അയ്യര്‍ (9 പന്തില്‍ 6), ഹാര്‍ദ്ദിക് പാണ്ഡ്യ (9 പന്തില്‍ 1) എന്നിവരുടെ വിക്കറ്റുകളാണ് ഇന്ത്യയ്ക്ക് നഷ്ടമായത്. ഇംഗ്ലണ്ടിനായി ബെന്‍ സ്റ്റോക് മൂന്നു വിക്കറ്റും മാര്‍ക് വുഡ് രണ്ടു വിക്കറ്റും വീഴ്ത്തി.ടോസ് നേടിയ ഇംഗ്ലീഷ് നായകന്‍ ഒയിന്‍ മോര്‍ഗന്‍ ഇന്ത്യയെ ബാറ്റിങ്ങിനയക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
