ഇന്‍ഡോറില്‍ ഫൈവ് സ്റ്റാര്‍ ഹോട്ടലുകളെല്ലാം ഫുള്‍! സയ്യിദ് മുഷ്താഖ് അലി ട്രോഫി മത്സരങ്ങള്‍ പുനെയിലേക്ക് മാറ്റി
സൂപ്പര്‍ ലീഗ്, ഫൈനല്‍ മത്സരങ്ങളുടെ വേദിയാണ് മാറ്റിയത്
Syed Mushtaq Ali Trophy x
Edited by :രഞ്ജിത്ത് കാർത്തിക
Last Updated :6 ഡിസംബർ 2025, 9:54 am IST
പുനെ: സയ്യിദ് മുഷ്താഖ് അലി ട്രോഫി ടി20 പോരാട്ടത്തിന്റെ സൂപ്പര്‍ ലീഗ് പോരാട്ടങ്ങളുടെ വേദി മാറ്റി ബിസിസിഐ. ഇന്‍ഡോറില്‍ നടക്കേണ്ടിയിരുന്ന പോരാട്ടങ്ങളാണ് പുനെയിലേക്ക് മാറ്റിയത്. ഫൈനല്‍ മത്സരവും ഇന്‍ഡോറിനു നഷ്ടമായി. മധ്യപ്രദേശ് ക്രിക്കറ്റ് അസോസിയേഷന്റെ അപേക്ഷ മാനിച്ചാണ് വേദി മാറ്റം.
എട്ട് ടീമുകളിലെ താരങ്ങള്‍ക്കും സപ്പോര്‍ട്ട് സ്റ്റാഫ് അംഗങ്ങള്‍ക്കും താമസിക്കാന്‍ ഇന്‍ഡോറില്‍ ഹോട്ടലുകള്‍ കിട്ടാനില്ല. ഇതോടെയാണ് വേദി മാറ്റം. സൂപ്പര്‍ ലീഗ് മത്സരങ്ങള്‍ തീരുമാനിച്ചിരിക്കുന്ന ദിവസങ്ങളില്‍ ഇന്‍ഡോറില്‍ നിരവധി കല്യാണങ്ങളും ഡോക്ടര്‍മാരുടെ കോണ്‍ഫറന്‍സ് അടക്കമുള്ളവയും ഈ ഘട്ടത്തില്‍ നടക്കുന്നതിനാല്‍ നഗരത്തില്‍ ഫൈവ് സ്റ്റാര്‍ ഹോട്ടലുകള്‍ കിട്ടാനില്ലാത്ത സ്ഥിതിയാണ്. ഇതോടെയാണ് ബിസിസിഐ തീരുമാനം.
ഇന്‍ഡോറില്‍ നിന്നു പുനെയിലേക്ക് മത്സരങ്ങള്‍ മാറ്റിയതായി ബിസിസിഐ സെക്രട്ടറി ദേവജിത് സൈകിയ സ്ഥിരീകരിച്ചു. ഗ്രൂപ്പ് ഘട്ടത്തിലെ പോരാട്ടങ്ങള്‍ ഹൈദരാബാദ്, ലഖ്‌നൗ, അഹമദാബാദ്, കൊല്‍ക്കത്ത എന്നിവിടങ്ങളിലായാണ് അരങ്ങേറിയത്. സൂപ്പര്‍ ലീഗ്, ഫൈനല്‍ മത്സരങ്ങളായിരുന്നു ഇന്‍ഡോറില്‍ തീരുമാനിച്ചിരുന്നത്.
സൂപ്പര്‍ ലീഗ് ഘട്ടത്തിലെ മത്സരങ്ങള്‍ ഈ മാസം 12 മുതലാണ്. ഫൈനല്‍ ഡിസംബര്‍ 18ന് അരങ്ങേറും.
News Now
ബംഗാളിലെ 'താരസുന്ദരി'; നടി രുക്മിണി മല്ലിക് ബിജെപിയില്‍
'എത്ര ചിരിച്ചാലും വയസ് കുറയില്ല, ആന്റി സ്‌റ്റേജും കഴിയാറായി'; പരിഹാസ കമന്റിന് മറുപടി നല്‍കി നവ്യ നായര്‍
മുഖ്യ തെരഞ്ഞെടുപ്പ് കമ്മീഷണറെ അടിയന്തരമായി സസ്പെൻഡ് ചെയ്യണമെന്ന ആവശ്യം തള്ളി സുപ്രീം കോടതി: കേന്ദ്രത്തിനും സിഇസിക്കും നോട്ടീസ്
കരുത്തുറ്റ 9000 എംഎഎച്ച് ബാറ്ററി, 200എംപി മെയിന്‍ കാമറ; വണ്‍പ്ലസ് 16 ലോഞ്ച് ഒക്ടോബര്‍ 12ന്
Summary
The BCCI has shifted the Syed Mushtaq Ali Trophy Super League phase and final from Indore to Pune.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
