മുംബൈ: ഐപിഎല്ലിൽ ലീ​ഗ് ഘട്ടത്തിലെ ഏക എൽ ക്ലാസിക്കോ ഇന്നലെ അരങ്ങേറി. ഐപിഎല്ലിൽ ഇത്തവണ പത്ത് ടീമുകളെ രണ്ട് ​ഗ്രൂപ്പുകളാക്കി ഓരോ ​ഗ്രൂപ്പിലും അഞ്ച് വീതം ടീമുകളാണുള്ളത്. ​ഗ്രൂപ്പ് ഘട്ടത്തിൽ മുംബൈ ഇന്ത്യൻസ്- ചെന്നൈ സൂപ്പർ കിങ്സ് ടീമുകൾ ഒരു തവണ മാത്രമേ ഏറ്റുമുട്ടുന്നുള്ളു. മറ്റ് ടീമുകളുമായി ഇരു ടീമുകളും രണ്ട് വീതം മത്സരങ്ങളാണ് കളിക്കുന്നത്.

മുംബൈ, ചെന്നൈ ടീമുകൾ വ്യത്യസ്ത ​ഗ്രൂപ്പിലായതോടെയാണ് ഇവർ തമ്മിൽ ഒറ്റ തവണ മാത്രം ​ഗ്രൂപ്പ് ഘട്ടത്തിൽ മാറ്റുരയ്ക്കുന്നത്. രണ്ട് ​ഗ്രൂപ്പുകളിലെയും ടീമുകൾ അതത് ​ഗ്രൂപ്പിൽ എട്ട് മത്സരങ്ങളാണ് പുതിയ ഷെഡ്യൂൾ അനുസരിച്ച് കളിക്കുന്നത്. നാല് ഹോം മത്സരങ്ങളും നാല് എവേ പോരാട്ടങ്ങളും. എതിർ ​ഗ്രൂപ്പിലെ ഓരോ ടീമുകൾക്കെതിരെ നാല് പോരാട്ടങ്ങളാണ് ഒരു ടീമിനു കളിക്കേണ്ടത്. എതിർ ​ഗ്രൂപ്പിലെ ഒരു ടീമുമായി ഹോം, എവേ പോരാട്ടവും ടീം കളിക്കും. മൊത്തം 14 മത്സരങ്ങളാണ് ഇത്തരത്തിൽ ഒരു ടീം കളിക്കുന്നത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ഉദാഹരണം- ചെന്നൈ ടീം ​ഗ്രൂപ്പിലെ മറ്റ് ടീമുകളായ സൺറൈസേഴ്സ് ഹൈദരാബാദ്, റോയൽ ചലഞ്ചേഴ്സ് ബം​ഗളൂരു, പഞ്ചാബ് കിങ്സ്, ​ഗുജറാത്ത് ടൈറ്റൻസ് ടീമുകളുമായി ​ഹോം, എവേ പോരാട്ടങ്ങൾ കളിക്കും. എതിർ ​ഗ്രൂപ്പിൽ നിന്നുള്ള മുംബൈ ഇന്ത്യൻസ്, കൊൽക്കത്ത നൈറ്റ് റൈഡേഴ്സ്, രാജസ്ഥാൻ റോയൽസ്, ഡൽ​ഹി ക്യാപിറ്റൽസ് ടീമുകളുമായി ഓരോ മത്സരവും ചെന്നൈ കളിക്കും. മൊത്തം 12 പോരാട്ടങ്ങൾ. എതിർ ​ഗ്രൂപ്പിൽ തന്നെയുള്ള ലഖ്നൗ സൂപ്പർ ജയന്റ്സുമായി ടീം രണ്ട് മത്സരങ്ങളും കളിക്കുന്നതോടെ ടീമിന്റെ 14 ​ഗ്രൂപ്പ് മത്സരങ്ങളും പൂർത്തിയാകും. സമാന രീതിയാണ് മറ്റു ടീമുകൾക്കും.