അനിവാര്യ ജയത്തിന് 206 റണ്‍സ്; രാജസ്ഥാനെ 'തല്ലി' വിരാട് കോഹ്‌ലിയും ദേവ്ദത്ത് പടിക്കലും
കോഹ്‌ലിക്കും ദേവ്ദത്ത് പടിക്കലിനും അര്‍ധ സെഞ്ച്വറി
വിരാട് കോഹ്‌ലിഎക്സ്
Last Updated :24 April 2025, 9:42 pm IST
Edited by :renjith.k
ബംഗളൂരു: പ്ലേ ഓഫിലേക്കുള്ള അവസാന പ്രതീക്ഷ നിലനിര്‍ത്താന്‍ രാജസ്ഥാന്‍ റോയല്‍സിനു ഇന്ന് ജയം അനിവാര്യം. റോയല്‍ ചലഞ്ചേഴ്‌സ് ബംഗളൂരുവിനെതിരായ ഇന്നത്തെ എവേ പോരാട്ടത്തില്‍ അവര്‍ക്ക് വേണ്ടത് 206 റണ്‍സ്. ആദ്യം ബാറ്റ് ചെയ്ത ബംഗളൂരു 5 വിക്കറ്റ് നഷ്ടത്തില്‍ 205 റണ്‍സെടുത്തു. മലയാളി താരവും ക്യാപ്റ്റനുമായ സഞ്ജു സാംസണ്‍ ഇന്നും കളിക്കാനിറങ്ങിയില്ല.
ടോസ് നേടി രാജസ്ഥാന്‍ ബൗളിങ് തിരഞ്ഞെടുക്കുകയായിരുന്നു. മിന്നും ഫോമിലുള്ള വിരാട് കോഹ്‌ലി അര്‍ധ സെഞ്ച്വറിയുമായി ടോപ് സ്‌കോററായി. ഫോമിലുള്ള ദേവ്ദത്ത് പടിക്കലും അതിവേഗം അര്‍ധ സെഞ്ച്വറിയുമായി സ്‌കോര്‍ കുത്തനെ ഉയര്‍ത്തി. ടിം ഡേവിഡ്, ജിതേഷ് ശര്‍മ എന്നിവരും കാര്യമായ സംഭാവന നല്‍കി.
കോഹ്‌ലി 42 പന്തില്‍ 8 ഫോറും 2 സിക്‌സും സഹിതം 70 റണ്‍സെടുത്തു. ദേവ്ദത്ത് പടിക്കല്‍ 27 പന്തില്‍ 4 ഫോറും 3 സിക്‌സും സഹിതം 50 റണ്‍സും കണ്ടെത്തി.
ട്ിം ഡേവിഡ് 15 പന്തില്‍ 23 റണ്‍സും ജിതേഷ് പുറത്താകാതെ 10 പന്തില്‍ 20 റണ്‍സും അടിച്ചു. ഓപ്പണര്‍ ഫില്‍ സാള്‍ട്ട് 23 പന്തില്‍ 26 റണ്‍സെടുത്തു.
രാജസ്ഥാനായി സന്ദീപ് ശര്‍മ രണ്ട് വിക്കറ്റെടുത്തു. ജോഫ്ര ആര്‍ച്ചര്‍, വാനിന്ദു ഹസരംഗ എന്നിവര്‍ ഓരോ വിക്കറ്റെടുത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
'കോച്ച് വാക്കുപാലിച്ചില്ല; ഏത് ശിക്ഷയും ഏറ്റുവാങ്ങാന്‍ തയ്യാര്‍'; ക്യാംപ് വിട്ടതില്‍ മാപ്പുചോദിച്ച് റൊണാള്‍ഡോ
സുഗതന്റെ വ്യാജ ഒപ്പിട്ടെന്ന പരാതി; പൊലീസ് ഉടന്‍ കേസെടുക്കും
രാഹുലിനെതിരെ കേസെടുക്കും? ഗ്യാനേഷ് കുമാറിന്റെ രാജിയില്‍ പ്രതിഷേധം കടുപ്പിക്കാന്‍ ഇന്ത്യ മുന്നണി
ആദ്യം സൗജന്യയാത്ര; ഇനി കെഎസ്ആര്‍ടിസി ബസ് സ്റ്റാന്‍ഡുകളില്‍ സാനിറ്ററി നാപ്കിനും
