മുംബൈ: ഐപിഎല്ലില്‍ തുടര്‍ച്ചയായ തോല്‍വികളെ തുടര്‍ന്ന് ചെന്നൈ സൂപ്പര്‍ കിങ്‌സ് ക്യാപ്റ്റന്‍ സ്ഥാനം രവീന്ദ്ര ജഡേജ ഒഴിഞ്ഞു. നാളെ ഹൈദരാബാദിനെതിരെയുള്ള മത്സരത്തില്‍ വീണ്ടും എം എസ് ധോണി ടീമിനെ നയിക്കും.

സീസണില്‍ ഇതുവരെയുള്ള എട്ടുമത്സരങ്ങളില്‍ രവീന്ദ്ര ജഡേജയുടെ നായകത്വത്തില്‍ രണ്ടെണ്ണത്തില്‍ മാത്രമാണ് ചെന്നൈ സൂപ്പര്‍ കിങ്‌സിന് വിജയിക്കാനായത്. തുടര്‍ന്ന് നായകസ്ഥാനം ഏറ്റെടുക്കാന്‍ ജഡേജ ധോണിയോട് അഭ്യര്‍ഥിച്ചതായാണ് ഫ്രാഞ്ചൈസി അറിയിച്ചത്. 

മത്സരത്തില്‍ കൂടുതല്‍ ശ്രദ്ധ കേന്ദ്രീകരിക്കാനാണ് ജഡേജ ആഗ്രഹിക്കുന്നത്. ചെന്നൈയുടെ നായക സ്ഥാനം വീണ്ടും ഏറ്റെടുക്കാന്‍ ധോണി തയ്യാറായതായി സിഎസ്‌കെ അറിയിച്ചു. 

കഴിഞ്ഞ തവണത്തെ ജേതാക്കളായ ചെന്നൈ നിലവില്‍ വലിയ പ്രതിസന്ധിയാണ് നേരിടുന്നത്. മുന്നോട്ടുപോകാന്‍ കഴിയുമോ എന്ന സംശയത്തിലാണ് ടീം. കൂടാതെ ക്യാപ്റ്റന്‍ എന്ന നിലയില്‍ ജഡേജയ്ക്ക് ഇതുവരെ ഫോം കണ്ടെത്താനും കഴിഞ്ഞിരുന്നില്ല. എട്ടുമത്സരങ്ങളില്‍ നിന്ന് 112 റണ്‍സ് മാത്രമാണ് ജഡേജയ്ക്ക് കൂട്ടിച്ചേര്‍ക്കാന്‍ സാധിച്ചത്.

ഈ വാര്‍ത്ത കൂടി വായിക്കാം

ആറാം വിക്കറ്റില്‍ ചേര്‍ത്തത് 79 റണ്‍സ്, വീണ്ടും തെവാത്തിയ- മില്ലര്‍ കൂട്ടുകെട്ട്; ഗുജറാത്ത് ഒന്നാം സ്ഥാനം ഉറപ്പാക്കി

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ