ഓസ്‌ട്രേലിയയെ തകര്‍ത്തു; ജപ്പാന്‍ ലോകകപ്പിന് യോഗ്യത നേടി

സിഡ്‌നി: കരുത്തരായ ഓസ്‌ട്രേലിയയെ തകര്‍ത്ത് ജപ്പാന്‍ ഖത്തര്‍ ലോകകപ്പിന് യോഗ്യത നേടി. ഏഷ്യന്‍ യോഗ്യതാമത്സരത്തില്‍ ഓസ്‌ട്രേലിയയെ എതിരില്ലാത്ത രണ്ടു ഗോളിനാണ് ജപ്പാന്‍ പരാജയപ്പെടുത്തിയത്. 

പകരക്കാരനായി ഇറങ്ങിയ കവോറു മിറ്റോമയുടെ ഇരട്ട ഗോളുകളാണ് ജപ്പാന് ലോകകപ്പിലേക്കുള്ള വഴിയൊരുക്കിയത്. 89-ാം മിനിറ്റില്‍ പകരക്കാരനായി വന്ന മിറ്റോമ 89-ാം മിനിറ്റിലും ഇന്‍ജുറി ടൈമിലും ഗോള്‍ നേടി ടീമിന്റെ വിജയശില്‍പ്പിയായി. 

ലോകകപ്പ് യോഗ്യതാ മത്സരത്തിലെ ജപ്പാന്റെ തുടര്‍ച്ചയായ ആറാം വിജയമാണിത്. 1998ന് ശേഷം ജപ്പാന്‍ ഓസ്‌ട്രേലിയയ്‌ക്കെതിരേ നേടുന്ന ആദ്യ വിജയമാണിത്. ജപ്പാന്റെ തുടര്‍ച്ചയായ ഏഴാം ലോകകപ്പ് പ്രവേശനമാണിത്.