മേരി കോമിന് ശേഷം ആദ്യം; ബോക്‌സിങ് റിങ്ങില്‍ ചൈനയെ ഇടിച്ചിട്ട് ലവ്‌ലിന; ഇന്ത്യക്ക് 12-ാം സ്വര്‍ണം
വനിതകളുടെ റിക്കര്‍വ് ആര്‍ച്ചറി ടീം ഇനത്തിലും ഇന്ത്യ ചരിത്ര സ്വര്‍ണം നേടി
Lovlina Borgohain Wins India's 12th Gold Medal
Edited by :ബിജീഷ് ബാലകൃഷ്ണൻ
Last Updated :2 ഒക്ടോബർ 2026, 11:11 am IST
നഗോയ: ഏഷ്യന്‍ ഗെയിംസില്‍ വനിതകളുടെ ബോക്‌സിങ് 75 കിലോഗ്രാം വിഭാഗത്തില്‍ ഒളിംപിക് മെഡല്‍ ജേത്രി ലവ്‌ലിന ബോര്‍ഗോഹെയ്ന്‍ സ്വര്‍ണം നേടി. ചൈനീസ് താരം ബാഓ സിയിയെ 5-0ന് തകര്‍ത്താണ് ലവ്‌ലിന തന്റെ കന്നി ഏഷ്യന്‍ ഗെയിംസ് സ്വര്‍ണമെഡല്‍ കഴുത്തിലണിഞ്ഞത്. 2014ല്‍ മേരി കോമിന് ശേഷം ഏഷ്യന്‍ ഗെയിംസ് വനിതാ ബോക്‌സിങ്ങില്‍ സ്വര്‍ണം നേടുന്ന ആദ്യ ഇന്ത്യന്‍ താരമെന്ന നേട്ടവും ലവ്‌ലിന സ്വന്തമാക്കി. മികച്ച തന്ത്രങ്ങളും റിങ്ങിലെ ആധിപത്യവുമാണ് പിറന്നാള്‍ ദിനത്തില്‍ ലവ്‌ലിനയെ വിജയത്തിലെത്തിച്ചത്.
വെള്ളിയാഴ്ച ലവ്‌ലിനയിലൂടെ ഇന്ത്യ രണ്ടാം സ്വര്‍ണമാണ് നേടിയത്. വനിതകളുടെ റിക്കര്‍വ് ആര്‍ച്ചറി ടീം ഇനത്തിലും ഇന്ത്യ ചരിത്ര സ്വര്‍ണം നേടി. അങ്കിത ഭഗത്, കുംകും, കീര്‍ത്തി എന്നിവരടങ്ങിയ ഇന്ത്യന്‍ സഖ്യം ഫൈനലില്‍ ശക്തരായ ദക്ഷിണ കൊറിയയെ 5-3 ന് പരാജയപ്പെടുത്തിയാണ് ഒന്നാം സ്ഥാനം കരസ്ഥമാക്കിയത്. റിക്കര്‍വ് ഇനത്തില്‍ ഇന്ത്യ നേടുന്ന ആദ്യ ഏഷ്യന്‍ ഗെയിംസ് സ്വര്‍ണമാണിത്.
ഇതോടെ ഇത്തവണത്തെ ഗെയിംസില്‍ ഇതുവരെ ഇന്ത്യയുടെ ആകെ സ്വര്‍ണ മെഡല്‍ നേട്ടം 12 ആയി. 24 വെള്ളിയും 33 വെങ്കലവും ഉള്‍പ്പെടെ 69 മെഡലുമായി പട്ടികയില്‍ അഞ്ചാം സ്ഥാനത്താണ് ഇന്ത്യയുള്ളത്. 16 സ്വര്‍ണമുള്‍പ്പെടെ 57 മെഡലുള്ള ഉസ്‌ബെക്കിസ്ഥാനാണ് തൊട്ടുമുന്നില്‍. ചൈന, ജപ്പാന്‍, ദക്ഷിണ കൊറിയ എന്നീ ടീമുകള്‍ ആദ്യ മൂന്നില്‍ തുടരുകയാണ്.
Lovlina Borgohain, in blue, is greeted by China's Ziyi Bao after winning gold medal in the women's 75kg final boxing bout at the 20th Asian Games, in Nishio, Aichi, Japan,
വനിതകളുടെ റിക്കര്‍വ് ആര്‍ച്ചറി ടീം സ്വര്‍ണം നേടിയപ്പോള്‍ മിക്‌സ്ഡ് റിക്കര്‍വ് ആര്‍ച്ചറിയില്‍ കുംകും-ധീരജ് ബൊമ്മദേവര സഖ്യം ഇന്ത്യയ്ക്കായി വെള്ളി മെഡല്‍ നേടി. ഗുസ്തിയില്‍ പുരുഷന്മാരുടെ ഫ്രീസ്‌റ്റൈല്‍ വിഭാഗത്തിലും വനിതാ വിഭാഗത്തിലും ഇന്ത്യന്‍ താരങ്ങളായ സുജീത് കല്‍ക്കല്‍ ഉള്‍പ്പെടെയുള്ളവര്‍ മെഡല്‍ റൗണ്ടുകളിലേക്ക് മുന്നേറി. വനിതാ ഹോക്കിയില്‍ ഇന്ന് നടക്കുന്ന കലാശപ്പോരില്‍ ഇന്ത്യന്‍ ടീം ചൈനയെ നേരിടും.
News Now
വാട്‌സ്ആപ്പില്‍ പുത്തന്‍ ഫീച്ചര്‍; എന്താണ് 'റെസ്ട്രിക്റ്റഡ് ചാറ്റ്' ഫീച്ചര്‍, എങ്ങനെ ഉപയോഗിക്കാം
അമേരിക്കന്‍ കേന്ദ്ര ബാങ്ക് പലിശനിരക്ക് കൂട്ടുമോ?, സെന്‍സെക്‌സ് 400 പോയിന്റ് കുതിച്ചു; എണ്ണവില 101 ഡോളറിന് മുകളില്‍ തന്നെ
ജനപ്രതിനിധികളും ഒപ്പം ചാടട്ടെ; 'കുളമാക്കി' എംഎല്‍എയുടെ ഉദ്ഘാടനം
72 ഭൂരഹിത കുടുംബങ്ങളുടെ സ്വന്തം വീടെന്ന സ്വപ്നം പെരുവഴിയിൽ: കോഴിക്കോട് നടുവണ്ണൂർ ലൈഫ് മിഷൻ പദ്ധതി 5 വർഷമായി സ്തംഭനാവസ്ഥയിൽ
Summary
Asian Games 2026: Boxer Lovlina Borgohain Wins India's 12th Gold Medal
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
