ലോകകപ്പ് കെട്ടിപ്പിടിച്ചുറങ്ങി മെസി; ചിത്രം വൈറല്‍

ഫുട്‌ബോള്‍ ലോകകപ്പ് നേടിയതിന്റെ ആഹ്ലാദം അവസാനിപ്പിക്കാതെ അര്‍ജന്റീനയുടെ സൂപ്പര്‍ താരം ലയണല്‍ മെസി. ഉറങ്ങുമ്പോഴും ഉണ്ണുമ്പോഴുമെല്ലാം കപ്പ് അടുത്തു തന്നെ! മെസി ലോകകപ്പിനെ കെട്ടിപ്പിടിച്ചുറങ്ങുന്ന ചിത്രം വൈറലായിരിക്കുകയാണ്. 

തന്റെ സാമൂഹ്യ മാധ്യമ അക്കൗണ്ടുകളിലൂടെ മെസി തന്നെയാണ് ഈ ചിത്രം പങ്കുവച്ചത്. ശുഭദിനം എന്ന കുറിപ്പോടെയായിരുന്നു ചിത്രം പങ്കുവച്ചത്. ഇന്‍സ്റ്റഗ്രാമില്‍ ചിത്രത്തിന് ഇതിനോടകം ഒരുകോടിയില്‍ അധികം ആളുകളാണ് ലൈക് ചെയ്തത്. 

പുലര്‍ച്ചെ അര്‍ജന്റീനയില്‍ എത്തിയ മെസിക്കും സംഘത്തിനും രാജ്യം ഗംഭീര വരവേല്‍പ്പാണ് നല്‍കിയത്. ലക്ഷങ്ങളാണ് ബ്യൂണസ് ഐറിസിലെ സ്വീകരണ ചടങ്ങ് കാണാനെത്തിയത്.

ഈ വാര്‍ത്ത കൂടി വായിക്കൂ  അര്‍ജന്റീന ലോകകപ്പ് നേടിയിട്ടും ബ്രസീല്‍ തന്നെ റാങ്കിങ്ങില്‍ ഒന്നാമത്; കാരണം