ലോകകപ്പ് കിരീടം നേടിയ ഭര്‍ത്താവും സൂപ്പര്‍ താരവുമായ ലയണല്‍ മെസിക്ക് ഹൃദയം തൊടുന്ന കുറിപ്പുമായി അഭിനന്ദനം അറിയിച്ച് ഭാര്യ അന്റൊണെല്ല റൊക്കുസോ. ഇന്‍സ്റ്റഗ്രാമിലിട്ട കുറിപ്പാണ് ശ്രദ്ധേയമായത്. ലോക ചാമ്പ്യന്‍ എന്ന് വിളിച്ചാണ് കുറിപ്പ് ആരംഭിക്കുന്നത്. 

'ലോക ചാമ്പ്യന്മാരെ... എങ്ങനെ തുടങ്ങണം എന്ന് പോലും എനിക്കറിയില്ല... ലയണല്‍ മെസി അങ്ങ് ഞങ്ങളുടെ ഏറ്റവും വലിയ അഭിമാനമാണ്. ഒരിക്കലും തളര്‍ന്നു പോകരുത്, അവസാനം വരെ പോരാടണം എന്ന് ഞങ്ങളെ പഠിപ്പിച്ചതിന് നന്ദി. ഒടുവില്‍ അങ്ങ് ലോക ചാമ്പ്യനായിരിക്കുന്നു. ഇത്രയും വര്‍ഷം നിങ്ങള്‍ അനുഭവിച്ചത് എന്താണെന്ന് ഞങ്ങള്‍ക്ക് അറിയാം. ഇത് നേടാന്‍ എന്തുമാത്രം ആഗ്രഹിച്ചുവെന്നും!!! വാമോസ് അര്‍ജന്റീന അവര്‍ കുറിച്ചു. 

ഫ്രാന്‍സിനെതിരായ ആവേശപ്പോരാട്ടത്തില്‍ പെനാല്‍റ്റി ഷൂട്ടൗട്ടിലാണ് അര്‍ജന്റീനയുടെ വിജയം. നീണ്ട 36 വര്‍ഷത്തെ കിരീട വരള്‍ച്ചയ്ക്കാണ് ഖത്തറില്‍ അവര്‍ വിരാമം കുറിച്ചത്.

ഈ വാർത്ത കൂടി വായിക്കൂ 

കിരീട നേട്ടം തിമിർത്ത് ആഘോഷിച്ച് അർജന്റീന താരങ്ങൾ; മേശയ്ക്ക് മുകളിൽ കയറി തുള്ളിച്ചാടി മെസി; ഡ്രസിങ് റൂമിൽ പാട്ടും ഡാൻസും (വീഡിയോ)

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ