റണ്‍സ് മറന്ന് മനുഷ്യത്വം ഓര്‍മിപ്പിച്ച് മുഹമ്മദ് സിറാജ്; കയ്യടി

സിഡ്‌നി: കായിക ലോകത്തിന്റെ കയ്യടി നേടി ഇന്ത്യന്‍ പേസര്‍ മുഹമ്മദ് സിറാജ്. ഒന്നാം ഇന്നിങ്‌സില്‍ ബൂമ്രയുടെ ഷോട്ട് ഏറ്റ് വീണ ഓസ്‌ട്രേലിയയുടെ കാമറൂണ്‍ ഗ്രീനിന് നേര്‍ക്ക് ഓടി അടുത്താണ് മുഹമ്മദ് സിറാജ് ക്രിക്കറ്റ് ലോകത്തിന്റെ മനസ് പിടിച്ചെടുത്തത്.

ഓസ്‌ട്രേലിയക്കെതിരായ ഇന്ത്യയുടെ ഒന്നാം ഇന്നിങ്‌സില്‍ ബൂമ്രയുടെ ഷോട്ട് കാമറൂണിന്റെ മുഖത്ത് അടിച്ചു. ഈ സമയം റണ്ണിനായി ബൂമ്ര ഓടിയപ്പോള്‍ സിറാജ് ഓടിയത് കാമറൂണിന്റെ അടുത്തേക്കാണ്. റണ്ണിനായി ഓടാതെ കാമറൂണ്‍ ഗ്രീനിന്റെ അടുത്തേക്ക് എത്തി സിറാജ് ആശ്വസിപ്പിച്ചു.

സ്പിരിറ്റ് ഓഫ് ക്രിക്കറ്റ് എന്ന് വിശേഷിപ്പിച്ചാണ് സിറാജിന്റെ പെരുമാറ്റം കയ്യടി നേടുന്നത്. ബിസിസിഐയും ഇതിന്റെ വീഡിയോ പങ്കുവെച്ചിരുന്നു. പരിക്കേറ്റ ഗ്രീനിന് ഇന്ത്യക്കെതിരായ ആദ്യ ടെസ്റ്റ് നഷ്ടമാവും.