8 റണ്‍സിന് ഓള്‍ഔട്ടായി നേപ്പാള്‍ വനിതകള്‍; സംപൂജ്യരായി 6 ബാറ്റേഴ്‌സ്; 7 പന്തില്‍ ജയിച്ച് യുഎഇ

അണ്ടര്‍ 19 ലോകകപ്പ് യോഗ്യതാ മത്സരത്തില്‍ 8 റണ്‍സിന് ഓള്‍ഔട്ടായി നേപ്പാളിന്റെ വനിതാ ടീം. 8.1 ഓവര്‍ മാത്രമാണ് അണ്ടര്‍ 19 ട്വന്റി20 ലോകകപ്പിനുള്ള ഏഷ്യാ ക്വാളിഫയറില്‍ യുഎഇക്ക് എതിരെ നേപ്പാള്‍ ബാറ്റിങ് നിര പിടിച്ച് നിന്നത്. 

ടോസ് നേടിയ നേപ്പാള്‍ ബാറ്റിങ് തെരഞ്ഞെടുത്തു. എന്നാല്‍ ആ തീരുമാനം തെറ്റായി പോയെന്നാണ് നേപ്പാള്‍ ബാറ്റേഴ്‌സിന്റെ പ്രകടനത്തോടെ വ്യക്തമായത്. 10 പന്തില്‍ നിന്ന് മൂന്ന് റണ്‍സ് എടുത്ത സ്‌നേഹ മഹാരയാണ് നേപ്പാളിന്റെ ടോപ് സ്‌കോറര്‍. 

ആറ് ബാറ്റേഴ്‌സ് ഡക്കായി. നാല് ഓവറില്‍ രണ്ട് മെയ്ഡനോടെ രണ്ട് റണ്‍സ് മാത്രം വഴങ്ങി യുഎഇയുടെ മഹിക ഗൗര്‍ അഞ്ച് വിക്കറ്റ് വീഴ്ത്തി. 1.1 ഓവറില്‍ 113 പന്തുകള്‍ കയ്യില്‍ വെച്ച് യുഎഇ വിജയ ലക്ഷ്യം മറികടന്നു.

ഈ വാർത്ത കൂടി വായിക്കൂ

'സ്പീഡ് മാത്രം കൊണ്ട് കാര്യമില്ല; ലൈനും ലെങ്തും സ്വിങ്ങും വേണം'; ഉമ്രാന്‍ മാലിക്കിനോട് ഷഹീന്‍ അഫ്രീദി 

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ