അബുദാബി: ഓസ്‌ട്രേലിയന്‍ പര്യടനത്തിനുള്ള ഇന്ത്യന്‍ ടീമില്‍ നിന്ന്‌ തഴയപ്പെട്ടതിന്‌ പിന്നാലെ സൂര്യകുമാര്‍ യാദവിന്‌ നേരെ കോഹ്‌ ലിയുടെ ഭാഗത്ത്‌ നിന്നുണ്ടായ പെരുമാറ്റത്തിനെതിരെ വിമര്‍ശനം. മുംബൈ ഇന്നിങ്‌സിന്റെ 13ാം ഓവര്‍ അവസാനിച്ചതിന്‌ പിന്നാലെ കവറില്‍ നിന്ന്‌ സൂര്യകുമാറിനെ പ്രകോപിപ്പിക്കുന്ന നോട്ടവുമായാണ്‌ കോഹ്‌ ലി അടുത്തു വന്നത്‌.

ആര്‍സിബിക്ക്‌ അനുകൂലമായി കളി തിരിക്കാന്‍ അവസരം ലഭിച്ച സമയം സൂര്യകുമാറിനെ വീഴ്‌ത്താനായിരുന്നു നെഗറ്റീവ്‌ ടച്ചുള്ള തന്ത്രവുമായി കോഹ്‌ ലി എത്തിയത്‌. എന്നാല്‍ 43 പന്തില്‍ നിന്ന്‌ 79 റണ്‍സ്‌ നേടി ടീം ജയം തൊടും വരെ സൂര്യകുമാര്‍ ക്രീസില്‍ നിന്നു. മത്സര ശേഷം കോഹ്‌ ലിക്കുള്ള മറുപടിയും മുംബൈ താരത്തില്‍ നിന്ന്‌ വന്നു.