ക്യാപ്റ്റനായി മടങ്ങി വരവ്; ഐപിഎല്ലില്‍ കൊല്‍ക്കത്ത നൈറ്റ് റൈഡേഴ്‌സിനെ ശ്രേയസ് അയ്യര്‍ നയിക്കും

കൊല്‍ക്കത്ത: ഐപിഎല്ലില്‍ അടുത്ത സീസണിലേക്കുള്ള നായകനേയും ഉപനായകനേയും കൊല്‍ക്കത്ത നൈറ്റ് റൈഡേഴ്‌സ് പ്രഖ്യാപിച്ചു. ഐപിഎല്‍ 2024 സീസണില്‍ ശ്രേയസ് അയ്യര്‍ ടീമിനെ നയിക്കുമെന്ന് നൈറ്റ് റൈഡേഴ്‌സ് ഔദ്യോഗികമായി പ്രഖ്യാപിച്ചു. 

ബാറ്റര്‍ നിതീഷ് റാണയാണ് ടീമിന്റെ വൈസ് ക്യാപ്റ്റന്‍. 2022 ല്‍12.25 കോടി രൂപയ്ക്കാണ് ശ്രേയസ്സിനെ കൊല്‍ക്കത്ത ടീം സ്വന്തമാക്കിയത്. എന്നാല്‍ ഐപിഎല്‍ 2023 സീസണിനിടെ പരിക്കേറ്റ ശ്രേയസ്സിന് ടൂര്‍ണമെന്റ് നഷ്ടമാകുകയായിരുന്നു. 

ശ്രേയസ്സിന്റെ അഭാവത്തില്‍ നിതീഷ് റാണയാണ് പിന്നീട് ടീമിനെ നയിച്ചത്. ശ്രേയസ് അയ്യര്‍ പരിക്കില്‍ നിന്നും മുക്തനായി ടീമില്‍ മടങ്ങിയെത്തിയതില്‍ സന്തോഷമുണ്ടെന്ന് കൊല്‍ക്കത്ത നൈറ്റ് റൈഡേഴ്‌സ് സിഇഒ വെങ്കി മൈസൂര്‍ പറഞ്ഞു.

ഈ വാർത്ത കൂടി വായിക്കൂ 

'പന്ത്രണ്ട് വയസിനപ്പുറം ജീവിച്ചിരിക്കുമെന്ന് കരുതിയില്ല, ഗുരുതര വൃക്കരോഗം പിടിപെട്ടു'; വെളിപ്പെടുത്തി ഓസീസ് ഓള്‍റൗണ്ടര്‍

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ