ഇന്ത്യക്കും പാകിസ്ഥാനും സ്വപ്‌നം കാണാനാവാത്ത നേട്ടം; ക്രിക്കറ്റില്‍ ഓസിസിനെയും മറികടന്നു; തുടര്‍ച്ചയായ 24 വിജയവുമായി സ്‌പെയിന്‍
ഫിന്‍ലാന്‍ഡില്‍ നടക്കുന്ന ടി20 ലോകകപ്പ് യൂറോപ്പ് സബ് റീജിയണല്‍ യോഗ്യത മത്സരത്തിലാണ് സ്‌പെയിന്റെ തുടര്‍ച്ചായായ 24ാമത്തെ വിജയം
സ്‌പെയിന്‍ ക്രിക്കറ്റ് ടീം- റിക്കി പോണ്ടിങ്
Edited by :Sujith
Last Updated :20 ഓഗസ്റ്റ് 2026, 5:27 pm IST
മാഡ്രിഡ്: ഇന്ത്യക്കും പാകിസ്ഥാനും ഓസ്‌ട്രേലിയക്കും ഇംഗ്ലണ്ടിനും ലോകക്രിക്കറ്റില്‍ കൈഎത്തിപ്പിടിക്കാനാകാത്ത നേട്ടം സ്വന്തമാക്കി സ്‌പെയിന്‍. അന്താരാഷ്ട്ര ക്രിക്കറ്റില്‍ തുടര്‍ച്ചയായി 24 മത്സരങ്ങള്‍ ജയിക്കുന്ന ടീമെന്ന ഖ്യാതിയാണ് സ്‌പെയിന്‍ സ്വന്തം പേരിലെഴുതിയത്. സ്റ്റീവോ, റിക്കി പോണ്ടിങ് എന്നിവരുടെ നേതൃത്വത്തില്‍ ഓസ്‌ട്രേലിയ നടത്തിയ വിജയക്കുതിപ്പിനെ ക്രിക്കറ്റിലെ പുതുമുഖങ്ങളായ സ്‌പെയിന്‍ നേരത്തെ മറികടന്നിരുന്നു.
ഫിന്‍ലാന്‍ഡില്‍ നടക്കുന്ന ടി20 ലോകകപ്പ് യൂറോപ്പ് സബ് റീജിയണല്‍ യോഗ്യത മത്സരത്തിലാണ് സ്‌പെയിന്റെ തുടര്‍ച്ചായായ 24ാമത്തെ വിജയം. ടൂര്‍ണമെന്റില്‍ ഇതുവരെ സ്‌പെയിന്‍ തോല്‍വിയറിയറിഞ്ഞിട്ടില്ല.ഏറ്റവും ഒടുവില്‍ നടന്ന ബള്‍ഗേറിയക്കെതിരായ മത്സരത്തിലും സ്‌പെയിന്‍ അനായാസ വിജയനേടി. വിജയലക്ഷ്യമായ 60 റണ്‍സ് 29 പന്തില്‍ മറികടന്ന് ഒന്‍പത് വിക്കറ്റിന്റെ വിജയമാണ് സ്‌പെയിന്‍ നേടിയത്.
ഇരുപത് വിജയങ്ങള്‍ നേടിയ ഓസ്‌ട്രേലിയയുടെ പേരിലായിരുന്നു തോല്‍വിയറിയാതെ ഏറ്റവും കുടുതല്‍ വിജയം നേടിയെന്ന ടീമെന്ന റെക്കോര്‍ഡ്. ഇത് ഓഗസ്റ്റ് പതിനാലിന് ഫിന്‍ലാന്‍ഡിനെതിരായ മത്സരവിജയത്തോടെ സ്‌പെയിന്‍ മറികടന്നിരുന്നു. ഇതിനിടെ ബള്‍ഗേറിയ ഉള്‍പ്പടെ മൂന്ന് രാജ്യങ്ങളെ സ്‌പെയിന്‍ പരാജപ്പെടുത്തി തുടര്‍ച്ചയായ വിജയം റെക്കോര്‍ഡ് 24 ആയി.
ടെസ്റ്റിലും ഏകദിനത്തിലുമായാണ് ഓസിസിന്റെ തുടര്‍ച്ചയായ ഇരുപത് വിജയങ്ങള്‍. 2003 ജനുവരി പതിനൊന്നിന് ഇംഗ്ലണ്ടിനെതിരായ മത്സരത്തോടെയാണ് ഓസിസിന്റെ വിജയക്കുതിപ്പ് ആരംഭിച്ചത്. 2003 മെയ് മാസം ബ്രിഡ്ജ്ടൗണില്‍ വെസ്റ്റ് ഇന്‍ഡീസിനെതിരെയുള്ള മൂന്നാം ടെസ്റ്റ് വരെ ഈ വിജയം തുടര്‍ന്നു. വെസ്റ്റ് ഇന്‍ഡീസിനെതിരെയുള്ള നാലാം ടെസ്റ്റില്‍ സ്റ്റീവ് വോയുടെ നേതൃത്വത്തിലുള്ള ഓസ്ട്രേലിയന്‍ ടീം പരാജയപ്പെട്ടതോടെയാണ് വിജയപരമ്പര അവസാനിച്ചത്.
News Now
ഉണക്കമീൻ വിറ്റിരുന്ന സാംസങ് മുതൽ ട്രാക്ടർ വിറ്റിരുന്ന ലാംബോർഗിനി വരെ; വമ്പൻ ബ്രാൻഡുകളുടെ തുടക്കം
മുന്നറിയിപ്പില്‍ വീണ്ടും മാറ്റം; പത്ത് ജില്ലകളില്‍ യെല്ലോ അലര്‍ട്ട്; 50 കിലോമീറ്റര്‍ വേഗതയില്‍ ശക്തമായ കാറ്റിനും സാധ്യത
'പാലപ്പൂ' ചിത്രീകരണം ആരംഭിച്ചു; സിദ്ധാർത്ഥ് ഭരതനും ബേബി ജീനും സിജു സണ്ണിയും പ്രധാന വേഷങ്ങളിൽ
അജ്ഞാത ആപ്പുകളോ ഫയലുകളോ ഫോണില്‍ ഉപയോഗിക്കരുത്; പണം കാലിയാകും, പൊലീസ് മുന്നറിയിപ്പ്
Summary
Spain break 23-year-old international cricket record held by Ricky Ponting and Steve Waugh's Australia
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
