ദുബായ്: ഐസിസിയുടെ മെയ് മാസത്തിലെ മികച്ച പുരുഷ താരത്തിനുള്ള പുരസ്‌കാരം യുഎഇ ക്യാപ്റ്റന്‍ മുഹമ്മദ് വസീമിന് (Muhammad Waseem). സ്‌കോട്‌ലന്‍ഡിന്റെ ബ്രണ്ടന്‍ മക്കെല്ലം, യുഎസ്എയുടെ മിലിന്ദ് കുമാര്‍ എന്നിവരെ പിന്തള്ളിയാണ് താരം പുരസ്‌കാരം സ്വന്തമാക്കിയത്. വനിതാ വിഭാഗത്തില്‍ ദക്ഷിണാഫ്രിക്കന്‍ ഓള്‍ റൗണ്ടര്‍ കോള്‍ട്ര്യോണാണ് പുരസ്‌കാരം നേടിയത്.

ഇത് രണ്ടാം തവണയാണ് താരം പുരസ്‌കാരം നേടുന്നത്. നേരത്തെ 2024 ഏപ്രില്‍ മാസത്തിലെ താരമായും വസീം തിരഞ്ഞെടുക്കപ്പെട്ടിരുന്നു.

നാഴികക്കല്ല് താണ്ടാന്‍ കമ്മിന്‍സും ഖവാജയും; ലോക ടെസ്റ്റ് ചാംപ്യന്‍ഷിപ്പ് ഫൈനല്‍ 11 മുതല്‍

ഷാര്‍ജയില്‍ ബംഗ്ലാദേശിനെതിരായ ടി20 പരമ്പര നേടി യുഎഇ ചരിത്രമെഴുതിയിരുന്നു. ടെസ്റ്റ് കളിക്കുന്ന രാജ്യത്തിനെതിരെ യുഎഇ നേടുന്ന ആദ്യ പരമ്പര നേട്ടമായിരുന്നു അത്.

പരമ്പരയില്‍ ടീമിനെ താരം മുന്നില്‍ നിന്നു നയിച്ചു. പരമ്പരയില്‍ തുടരെ രണ്ട് അര്‍ധ സെഞ്ച്വറികള്‍ നേടാനും താരത്തിനു സാധിച്ചിരുന്നു.

ഏഴാം വയസിൽ പന്ത് മെസിയുടെ കാലിൽ കയറി! അന്ന് തുടങ്ങിയ മലപ്പുറം മുഹബ്ബത്ത്...