153 കിമീ വേഗത, ഐപിഎല്ലിലെ വേഗരാജാവായി ഉമ്രാന് മാലിക്ക്, ഇന്ത്യയുടെ അക്തറെന്ന് ആരാധകര്‍
നാല് വിക്കറ്റിന് ബാംഗ്ലൂരിനെ ഹൈദരാബാദ് തോല്‍പ്പിച്ച കളിയില്‍ ആരാധകരെ വിസ്മയിപ്പിച്ചത് ഉമ്രാന് മാലിക്കിന്റെ പേസും
ഫോട്ടോ: ട്വിറ്റർ
Last Updated :20 January 2024, 8:49 am IST
അബുദാബി: പോയിന്റ് പട്ടികയില്‍ ആദ്യ രണ്ട് സ്ഥാനങ്ങളില്‍ ഒന്ന് പിടിച്ച് പ്ലേഓഫ് പിടിക്കാനുള്ള ബാംഗ്ലൂരിന്റെ ശ്രമങ്ങള്‍ക്ക് തടയിടുകയായിരുന്നു ഹൈദരാബാദ്. നാല് വിക്കറ്റിന് ബാംഗ്ലൂരിനെ ഹൈദരാബാദ് തോല്‍പ്പിച്ച കളിയില്‍ ആരാധകരെ വിസ്മയിപ്പിച്ചത് ഉമ്രാന് മാലിക്കിന്റെ പേസും.
ഐപിഎല്‍ 2021ലെ ഏറ്റവും വേഗമേറിയ ഡെലിവറിയാണ് ഉമ്രാന് മാലിക്ക് കണ്ടെത്തിയത്. വേഗം മണിക്കൂറില്‍ 153 കിമീ. അതും കഴിഞ്ഞ ആഴ്ച കൊല്‍ക്കത്തക്ക് എതിരായ കളിയില്‍ ഐപിഎല്ലില്‍ അരങ്ങേറ്റം കുറിച്ച താരം. കോവിഡ് ബാധിതനായ ടി നടരാജന് മാറി നില്‍ക്കേണ്ടി വന്നതോടെയാണ് ഉമ്രാന് മാലിക്ക് ടീമില്‍ ഇടം നേടിയത്.
കൊല്‍ക്കത്തക്കെതിരായ കളിയില്‍ മണിക്കൂറില്‍ 150.6 കിമീ എന്ന വേഗം ബാംഗ്ലൂര്‍ കണ്ടെത്തിയിരുന്നു. സീസണിലെ ഒരു ഇന്ത്യന്‍ ബൗളറുടെ ഏറ്റവും വേഗമേറിയ ഡെലിവറിയായിരുന്നു ഇത്. എന്നാല്‍ അബുദാബിയില്‍ ബാംഗ്ലൂരിന് എതിരെ ഇറങ്ങിയപ്പോള്‍ തന്റെ ഈ റെക്കോര്‍ഡ് തന്നെ ഉമ്രാന് മറികടന്നു. ഐപിഎല്‍ 2021 സീസണിലെ ഏറ്റവും വേഗമേറിയ ഡെലിവറി ഉമ്രാന് കണ്ടെത്തി.
തുടരെ നാല് വട്ടം 150 എന്ന വേഗത കണ്ടെത്താന്‍ ഉമ്രാന് കഴിഞ്ഞു. തന്റെ രണ്ടാമത്തെ കളിയിലും പേസുകൊണ്ട് അത്ഭുതം കാണിച്ച ഉമ്രാനെ പുകഴ്ത്തുകയാണ് ക്രിക്കറ്റ് ലോകം. ജമ്മുകശ്മീരില്‍ നിന്നുള്ള താരമാണ് ഉമ്രാന് മാലിക്ക്. ഇന്ത്യന്‍ മുന്‍ പേസര്‍ ഇര്‍ഫാന്‍ പഠാന്റെ ശിഷ്യനും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
ബസ് യാത്രക്കിടെ പെൺകുട്ടിയോട് ലൈംഗികാതിക്രമം; സർക്കാർ ജീവനക്കാരന് കഠിന തടവും പിഴയും
വേണാട് എക്സ്പ്രസ് നിലമ്പൂരിലേക്ക്...?
'തെരഞ്ഞെടുപ്പ് അട്ടിമറിയില്‍ തെളിവ് ചോദിച്ചു, അത് ഞങ്ങളുടെ പക്കലുണ്ട്'; രാഷ്ട്രപതിയെ കണ്ട് ഇന്ത്യ സഖ്യ നേതാക്കള്‍
കൊറിയർ വഴി കോടികളുടെ എംഡിഎംഎ കടത്ത്: അന്തർ സംസ്ഥാന ലഹരി റാക്കറ്റിന്റെ നീക്കം തകർത്ത് പൊലീസ്
