ന്യൂഡല്‍ഹി: ലോക വനിതാ ബോക്‌സിങ് ചാമ്പ്യന്‍ഷിപ്പില്‍ ഇന്ത്യക്ക് രണ്ടാം സ്വര്‍ണം. സവിറ്റി ബുറയാണ് ലോക ചാമ്പ്യനായത്. 81 കിലോഗ്രാം വിഭാഗത്തിലാണ് ഇന്ത്യ സ്വര്‍ണം നേടി ജേതാവായത്. ഫൈനലില്‍ ചൈനീസ് താരം വാങ് ലിനയെയാണ് സവിറ്റി ബുറ തോല്‍പിച്ചത്.

വാശിയേറിയ ഫൈനലില്‍ പിന്നില്‍ നിന്ന ശേഷം തിരിച്ചടിച്ചാണ് സവീറ്റി വിജയം നേടിയത്. 4-3 എന്ന സ്‌കോറിനാണ് ഇന്ത്യന്‍ താരത്തിന്റെ വിജയം. 2014 ലോക ചാമ്പ്യന്‍ഷിപ്പില്‍ താരം വെള്ളി മെഡല്‍ നേടിയിരുന്നു. 2022 ഏഷ്യന്‍ ചാമ്പ്യന്‍ഷിപ്പില്‍ സ്വര്‍ണം നേടിയ ആത്മവിശ്വാസത്തിലാണ് താരം ഫൈനല്‍ കളിക്കാനിറങ്ങിയത്. സവീറ്റിയ്ക്ക് മുന്‍പ് 48 കിലോഗ്രാം വിഭാഗത്തില്‍ നീതു ഘന്‍ഘാസും സ്വര്‍ണം നേടിയിരുന്നു.

ഈ വാര്‍ത്ത കൂടി വായിക്കൂ 

അലിസ ഹീലി ഔട്ട്; ഗാലറിയില്‍ ഭര്‍ത്താവ് സ്റ്റാര്‍ക്കിന് നിരാശ! (വീഡിയോ)

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ