ഓർത്തോപോക്സ് വൈറസ് സ്പീഷീസായ മങ്കിപോക്സ് വൈറസ് മൂലമുണ്ടാകുന്ന അണുബാധയാണ് മങ്കിപോക്സ്..മൃഗങ്ങളിൽ നിന്ന് മനുഷ്യരിലേക്കും മനുഷ്യരിൽ നിന്ന് മനുഷ്യരിലേക്കും മങ്കിപോക്സ് പകരാം..അണുബാധയേറ്റ് 4 മുതൽ 10 ദിവസത്തിനുള്ളിൽ ലക്ഷണങ്ങൾ പ്രകടമാകും. കൈപ്പത്തികളിലും കാലുകളിലും, മുഖം, വായ, ജനനേന്ദ്രിയങ്ങൾ എന്നിവടങ്ങളിൽ ചിക്കൻപോക്സിന് സമാനമായി ദ്രാവകവും പഴുപ്പും നിറഞ്ഞ ചുണങ്ങുകൾ പ്രത്യക്ഷപ്പെടും.പനി, ശരീരത്തിനും പേശികൾക്കും വേദന, അമിതമായ ക്ഷീണം എന്നിവയാണ് മറ്റ് ലക്ഷണങ്ങൾ.കഠിനമായ കേസുകളിൽ മസ്തിഷ്ക വീക്കം, ന്യുമോണിയ, രക്തത്തിലെ അണുബാധ, ഗർഭധാരണത്തിലെ സങ്കീർണതകൾ, കാഴ്ചക്കുറവ് എന്നിവയിലേക്ക് നയിച്ചേക്കാം..മിക്ക രോഗബാധിതരും രണ്ട് മുതൽ നാല് ആഴ്ചയ്ക്കുള്ളിൽ സുഖം പ്രാപിക്കും. മങ്കിപോക്സിന് നിലവില് വാക്സിന് ലഭ്യമാണ്..മങ്കിപോക്സ് ക്ലേഡ് 2, ക്ലേഡ് 1 എന്ന രണ്ട് വകഭേദങ്ങളാണ് ഇതുവരെ കണ്ടെത്തിയിട്ടുള്ളത്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
