ന്യൂഡൽഹി :  റിസർവ് ബാങ്ക് ഡെപ്യൂട്ടി ഗവർണറായി എം രാജേശ്വര റാവുവിനെ കേന്ദ്ര സർക്കാർ നിയമിച്ചു.അപ്പോയിന്റ്മെന്റ് കമ്മിറ്റി ഓഫ് ക്യാബിനറ്റ് ആണ് രാജേശ്വരറാവുവിന്റെ നിയമനത്തിന് അം​ഗീകാരം നൽകിയത്.  നിലവിൽ റിസർവ് ബാങ്ക് എക്സിക്യൂട്ടീവ് ഡയറക്ടർ ആയി സേവനം അനുഷ്ഠിച്ചു വരികയായിരുന്നു രാജേശ്വര റാവു. 

ഡെപ്യൂട്ടി ഗവർണർ ആയിരുന്ന എൻ എസ്‌ വിശ്വനാഥൻ സ്ഥാനം ഒഴിഞ്ഞ സാഹചര്യത്തിലാണ് നിയമനം. ആരോ​ഗ്യകാരണങ്ങളാൽ കഴിഞ്ഞ മാർച്ചിലാണ് വിശ്വനാഥൻ ആർബിഐ ഡെപ്യൂട്ടി ​ഗവർണർ സ്ഥാനം ഒഴിഞ്ഞത്. രാജേശ്വര റാവുവും ലിലി വദേരയുമായിരുന്നു പരി​ഗണനാ പട്ടികയിൽ മുന്നിലുണ്ടായിരുന്നത്. 

1977 -80 കാലയളവിൽ എറണാകുളം മഹാരാജാസ് കോളേജിലെ ബിരുദ വിദ്യാർത്ഥി ആയിരുന്ന രാജേശ്വര റാവു കൊച്ചി സർവകലാശാലയിൽ നിന്നാണ് മാനേജ്‌മെന്റിൽ ബിരുദാനന്തര ബിരുദം നേടിയത്.